| e-texts navigator |
| Wylie |
199b1 ལྡན་པའི།། གྲངས་རྟགས་དུས་ཚད་གཏན་ལ་དབབ།། འཇིག་རྟེན་དྲེགས་པའི་བསྙེན་པ་ལ།། བདག་ཉིད་ལྷ་ཡི་ང་རྒྱལ་གྱིས།། གནད་ལ་དབབ་པའི་ཚུལ་གྱིས་ནི།། ལྷ་སྲིན་དྲེགས་པ་གང་ཡིན་པ།། སྲོག་སྔགས
199b2 གཡེལ་མེད་མྱུར་དུ་འབད།། མངོན་སུམ་རྟགས་ཀྱིས་གཏན་ལ་དབབ།། རྣལ་འབྱོར་གཡོ་མེད་ངང་དུ་བཞག། དེ་སོགས་བསྙེན་པའི་རིམ་པ་རྣམས།། གོང་གནོན་ཡིན་པས་ཚགས་སུ་གཞུག། དེ་ནས་སྒྲུབ་པ་བྱེད་པ
199b3 ནི།། དང་པོ་འབོད་པའི་བསྒྲུབ་པ་དང་།། བར་དུ་ཟད་པའི་བསྒྲུབ་པ་དང་།། ཐ་མར་བསད་པའི་ལས་རིམ་སྟེ།། སྤྱི་དྲིལ་རྣམས་ལ་ངེས་པ་མེད།། མན་ངག་རང་རང་གཞུང་དུ་བྱ།། དང་པོ་འབོད་པ་རྣམ་པ
199b4 གཉིས།། ཏིང་འཛིན་སྔགས་དང་རྫས་བཅས་ལ།། བརྟེན་ནས་ཡེ་ཤེས་ལྷ་འབོད་བསྒྲུབ།། གྲུབ་ནས་གང་འདོད་ཕྲིན་ལས་སྦྱར།། དམིགས་རྟེན་རྫས་དང་དཀྱིལ་འཁོར་དང་།། སྐོང་རྫས་གཏོར་ཚོགས་རང་རང
199b5 གི། དགྱེས་པའི་རྫས་དང་དམིགས་པ་དང་།། དྲག་པོའི་སྔགས་ཀྱི་རིམ་པ་ལ།། བརྟེན་ནས་འཇིག་རྟེན་ལྷ་འདྲེ་འབོད།། བདག་བསྐྱེད་ཡེ་ཤེས་ལྷ་གསལ་གདབ།། ཆེ་བའི་ང་རྒྱལ་དྲག་ཏུ་བསྐྱེད།། འཇིག་རྟེན་ལྷ་འདྲེ།
199b6 མདུན་དུ་དམིགས།། བྲན་དང་བཀའ་ཉན་ཚུལ་དུ་བྱ།། མདོར་ན་རྗེ་དང་འབངས་ཀྱི་ཚུལ།། དེ་ལྟ་བུ་ཡི་ཚུལ་དུ་འབོད།། རྦད་དང་བསད་པའི་བསྒྲུབ་པ་ནི།། ཟུང་འཇུག་ཡིན་པས་འདི་ལྟ་སྟེ།། དམིགས་བྱ་བསྐྱེད་དང
iiif viewer powered by OpenSeadragon
