| e-texts navigator |
| Wylie |
198b1 པའི།། རིགས་དང་རིགས་ལས་བྱུང་བ་བྱ།། དཔངས་སུ་ཁྲུ་གང་བྱས་པ་ལ།། དབུས་སུ་བྲུབ་དོང་གྲུ་གསུམ་བྱ།། ཡངས་དོག་ཐོད་པ་ཁ་སྦྱོར་ཤོང་།། དེ་ལས་གཞན་ཡང་གང་རིགས་བྱ།། ཕྱི་ནང་མེད་པར་དུག་ཁྲག
198b2 དང་།། དུར་ཐལ་རོ་སོལ་དག་གིས་བྱུགས།། རྫས་ངན་རྣམ་པ་དུ་མ་ཡིས།། དཀྱིལ་འཁོར་བྲུབ་དང་ཁྱབ་པར་བྱུགས། ཁ་བད་བང་རིམ་ལྕགས་རི་སོགས།། ཐ་མ་དྲག་པོའི་རྩང་གིས་བསྐོར།། རིགས་དང་རིགས
198b3 མཐུན་ལྡན་པའོ།། མཁས་པས་གང་ལ་གང་རིགས་བྱ།། མདོར་ན་འཇིགས་ལ་རྔམ་པ་ཅན།། ལས་ཀྱི་གཤིན་རྗེའི་ཕོ་བྲང་ལྟར།། ཞིང་ལྤགས་མི་མགོའི་དྲ་ཕྱེད་དང་།། རྒྱུ་མའི་ལྔ་ལྡི་རོ་རས་ཀྱི།། འཕན་གདུགས་ལ
198b4 སོགས་དུར་ཁྲོད་ཀྱི།། ཕོ་བྲང་རབ་ཏུ་འཇིགས་པར་བྱ།། དེ་ལས་གཞན་ཡང་བཅས་ཀྱི་རིགས།། གང་ལ་གང་དང་དེ་ལ་དེའི།། བྱེ་བྲག་རྣམ་པ་མང་པོ་དག། མཁས་པ་རྣམས་ཀྱིས་དཔྱད་དེ་བྱ། ཁྲོ་རྒྱལ་གཏུམ་པོའི་ཕོ
198b5 བྲང་ལས།། དྲེགས་པ་སྡེ་བརྒྱད་འདུ་བའི་གནས།། འདྲེ་སྲིན་འབྱུང་པོ་འཚོགས་པའི་ས།། དྲག་པོ་ལས་ཀྱི་ཧོམ་ཡིན་པས།། འཇིགས་ལ་ཡ་ངའི་ཚུལ་ཅན་བྱ།། དེ་ལྟར་བྱས་པའི་ཧོམ་ཁུང་དུ།། དགྲ་བགེགས་དམིགས
198b6 བྱའི་རཱུ་པ་གཞུག། ཐོད་པ་ཁ་སྦྱོར་ལ་སོགས་པའི།། ལིང་སྣོད་རྫས་ངན་གང་རིགས་ཀྱི།། ནང་དུ་གཞུག་པར་བྱེད་པའོ།། མིང་བྱང་དག་ལ་འདི་ལྟར་གདབ།། དྲག་པོ་དག་ནི་དུག་རིགས་ཀྱི།། ཤིང་ལས་བྱས་པའི་བྱང
iiif viewer powered by OpenSeadragon
