| e-texts navigator |
| Wylie |
197b1 ཡན་ལག་རྫོགས། ཁ་མིག་བགྲད་ཅིང་སྐྲ་ལོ་གཟིང་།། རྐང་ལག་ལྕགས་སྒྲོག་བྱེད་དུ་གཞུག། རང་ལ་རང་གཤེད་བྱེད་པའི་ཚུལ།། དེ་ལྟར་བྲིས་དང་ལ་ལ་ནི།། དམིགས་བྱའི་འདྲ་འབག་གཟུགས་སུ་བཀོད།། དེ་དང
197b2 དེ་ལྟར་བྱེ་བྲག་རྣམས།། རྣམ་རིག་ཤེས་རབ་ཅན་དག་གིས།། གང་ལ་གང་འོས་བཀོད་པར་བྱ།། དེ་ལྟར་བྲིས་པའི་སྙིང་ག་རུ།། དགྲ་ལ་ནརྀ་དང་བགེགས་ལ་ཏྲི།། ཐ་མར་རང་རང་མིང་རུས་དང་།། ཛཿཧཱུཾ་བཾ་ཧོཿ། མ་ར
197b3 ཡ་ཁུག་ཛ། ཡིག་མགོ་ནང་དུ་བསྟན་པ་བྲི།། དཔྲལ་བར་རུས་བྲི་ཁ་ལ་ནི།། དུང་དུང་ཛ་ཛ་བྲི་བར་བྱ།། བཪྻ་ལ་བླ་དགས་བྲི་བར་བྱ།། བྱིན་པ་གཉིས་ལ་ནརྀ་ཏྲི་བྲི། འདོམས་ལ་ཕཊ་དང་རྐང་ཞབས་ཡི།། ཡན་ལག
197b4 ཛཿཧཱུཾ་བཾ་ཧོཿབཀོད།། སྤྱི་བོར་མཱ་ར་ཡ་ནན་བྲི།། གཡས་སུ་ཕ་རྒྱུད་རྩད་ཆོད་དང་།། གཡོན་དུ་མ་རྒྱུད་མངལ་ནས་སྐོམས།། མདུན་ནམ་ལྟོ་བར་སྲིད་པ་དཀྲུག། ཅེས་སོགས་དམོད་མོ་གང་ཤེས་བྲི།། ཐ་མར་ལས
197b5 སྔགས་གང་འོས་བཀོད།། དེའི་མཐར་ཛཿདང་ཁྲམ་རིས་དང་།། སྦལ་སྦྲུལ་སྡིག་པ་འཛིངས་པས་བསྐོར།། ཐར་ལམ་བྲོས་ཁུང་མེད་པའི་ཚུལ།། འབྱུང་བ་འཁྲུགས་པའི་ཀློང་དུ་ཚུད།། གཞི་མ་ས་སྟེང་མེད་པ
197b6 ཅན།། རབ་ཏུ་གཏམས་པ་བྲི་བར་བྱ།། དེ་ལས་གཞན་ཡང་རང་རང་གིས།། ལས་མཐའ་དང་ནི་བསྟུན་ཏེ་བྲི།། དེ་ལྟར་བྲིས་པའི་རཱུ་པ་ལ།། རང་རང་ཟག་པའི་རྫས་ཀྱིས་བྱུགས།། སྔགས་རྣམས་མི་བཀླག་རང་བབ
iiif viewer powered by OpenSeadragon
