| e-texts navigator |
| Wylie |
197a1 ཁྲག་རོ་སོལ་དུར་ཐལ་དང་།། དམེ་བ་རབས་ཆད་མཛེ་པོ་ཡི།། བསྡད་ཤུལ་འགྲིམ་ལམ་ཁང་ས་སྟེ།། མདོར་ན་ཤིན་ཏུ་བཀྲ་མི་ཤིས།། ངན་པ་ལས་བྱུང་རྫས་རྣམས་ལས། ཁམ་ས་གནག་ལྕི་བག་ཕྱེ
197a2 དང་།། འབྲུ་ནག་ཕྱེ་དང་དུར་ཐལ་དང་།། རང་རང་ལས་ཀྱི་ས་སྣ་སོགས།། གང་དང་གང་ལས་བྱུང་བ་ཡི།། རཱུ་པ་ཆེ་ཚད་ལུས་དང་མཉམ།། འབྲིང་པོ་དམིགས་བྱའི་ཁྲུ་གང་སྟེ།། ཐ་མ་དེ་ཡི་མཐོ་གང་ཚད།། གཟུགས
197a3 དང་དབང་པོ་སྐྱེ་མཆེད་དོད།། རིད་ལ་ཉམ་ཟག་སྟོབས་དང་བྲལ།། ཡི་མུག་ངུ་བའི་རྣམ་འགྱུར་ཅན།། ཡན་ལག་རེངས་སམ་འཁུམས་པའི་གཟུགས།། ཤ་ཤོར་རུས་པའི་མཁྲིག་མ་ཞིག། བགེགས་ལ་ཡི་དྭགས་རྣམ
197a4 པ་ཅན།། གསུས་པ་ཆེ་ལ་ཡན་ལག་རིད།། མཇིང་པ་ཕྲ་ཞིང་མགོ་བོ་རྒྱས།། མིག་ནི་གྱེན་ལ་ཨ་འབྲས་ལོག་ཁ་བགྲད་ལྕེ་བརྐྱངས་མ་ནེ་འཕྱང་།། ཕོ་མོ་གང་ཡིན་དབང་པོ་དོད།། གང་ཡང་ལུས་ཀྱི་ཆ་ཚང་བར།། འོས
197a5 པའི་ཚོན་གྱིས་མདོག་བསྒྱུར་ཞིང་།། རྣམ་ཤེས་ཆགས་པའི་གཏའ་ཡིན་པས།། གཟུགས་དང་སྐྱེ་མཆེད་དོད་པར་བྱ།། རིས་སུ་བྲིས་པའི་ལིངྒ་ནི།། གཞི་མ་རོ་རས་དུག་ཤོག་དང་།། ལ་ལ་ཞིང་ལྤགས་དག་ལ་སྟེ།། གང
197a6 ཡིན་ཆེ་ཚད་མདའ་གང་ལ།། འབྲིང་པོ་ཁྲུ་གང་ཐ་མ་ཡང་།། མཐོ་གང་སོར་བཞི་དག་ལ་བྲི།། སྣག་ཚ་ཕལ་ཆེར་དུག་ཁྲག་སྟེ།། རང་རང་གང་རིགས་རྫས་ཀྱིས་བྲི།། དེ་ཡང་སྐྱེ་མཆེད་དོད་པ་ལ།། དབང་པོ་ཚང་ཞིང
iiif viewer powered by OpenSeadragon
