| e-texts navigator |
| Wylie |
196b1 སྣ་གཏད་ཅིང་ཛག་འདྲལ་བྱེད།། བརྡུང་བཙོག་འཕྲོག་བཅོམ་རྩུབ་འཁྲུག་སྟོན།། ལེན་ཉེས་མེད་པར་ཞེ་གཅོད་ཅིང་།། སྐུ་ལ་བསྔོ་ཞིང་རིགས་ལ་བསྙེགས།། གནག་པའི་མཐིལ་འཆའ་ཟ་ལམ་གཅོད།། མདོར་ན་རང
196b2 ལ་སྡང་བྱེད་ཅིང་།། ལུས་ངག་ཡིད་སོགས་དུ་མ་ཡིས།། གནོད་ཅིང་སྡང་བར་གང་བྱེད་པའི།། རྣལ་འབྱོར་སྒོས་དགྲ་ཡིན་པའི་ཕྱིར།། དེ་དག་མྱུར་དུ་བསྒྲལ་བའི་ཡུལ།། རང་གིས་མ་ཉེས་གཞན་གྱིས་བཙུག། དེ་དག
196b3 བསྒྲལ་བའི་ཡུལ་ཡིན་ནོ།། བགེགས་ནི་ལས་ཀྱི་མནར་བ་ཡི།། ལུས་སེམས་མ་རུངས་འབྱུང་པོའི་རིགས།། ངང་གིས་གཞན་ལ་གནོད་གྱུར་ཅིང་།། དཀར་པོ་དགེ་བའི་བར་ཆད་བྱེད།། ཚེ་ལ་རྐུ་ཞིང་སྲོག་ལ་འཇབ།།
196b4 ཁ་རྗེ་དབང་ཐང་དག་ལ་གནོད།། མཐོ་རིས་ཐར་པའི་གེགས་བྱེད་ཅིང་།། འཁོར་བ་ངན་སོང་རྒྱུ་སོགས་པའི།། བདུད་དང་བདུད་ཀྱི་རིས་ཀྱི་ལྷ།། སྐབས་ཚོལ་གླགས་ལྟ་ལུས་སྲོག་འཇོམས།། བསྒྲུབ་ལ་བར་ཆད་སྣ
196b5 ཚོགས་བྱེད།། འདྲེ་བདུད་འབྱུང་པོ་གང་དང་གང་།། དགེ་བའི་ལས་དང་བསམ་པ་ལ།། བར་ཆད་བྱེད་པ་གང་ཡིན་པ།། མི་མིན་དེ་དག་བསྒྲལ་བའི་ཡུལ།། དེ་ལྟར་དམིགས་བྱ་ངོས་ཟིན་ནས།། དགྲ་བགེགས་རཱུ་པ་བྱ
196b6 བ་ནི།། འབུར་དུ་དོད་དང་རིས་སུ་བྲིས།། མིང་བྱང་དག་ལ་གདགས་པའོ།། དང་པོ་འབུར་དུ་བཏོད་པ་ནི།། སོ་སོའི་ཟག་རྫས་རྗེས་ས་དང་།། དུར་ཁྲོད་དག་གི་ས་དང་ནི།། ཕུང་ཤུལ་འདྲེ་གནས་དག་གི་ས།། དུག
iiif viewer powered by OpenSeadragon
