| e-texts navigator |
| Wylie |
194b1 གཡོས།། མ་རུངས་ཆོ་འཕྲུལ་བཀྱེས་ནས་ནི།། ལྗགས་ཟོར་རྔམ་པས་བཀའ་སྩལ་པ།། ཉོན་ཅིག་སྤྲུལ་པ་དབང་ཆེན་དཔལ།། གདུལ་བྱ་མ་རུངས་འདུལ་བའི་ལས།། ཐབས་ཀྱི་རྒྱལ་པོར་ངས་བཤད་ཀྱི།། ཐོག་མར
194b2 བརྣག་པའི་འདུན་པས་ཉོན།། བར་དུ་རབ་ཏུ་ཁྲོས་པས་ཉོན།། ཐ་མར་དྲག་ཤུལ་སྤྱོད་པས་ཉོན།། སྔོན་འགྲོ་དངོས་གཞི་རྗེས་རིམ་བཞིན།། གཏན་ལ་གང་ཕེབས་བརྣག་པར་བྱོས།། ལོག་པའི་ལམ་ཞུགས་གདུལ་བྱ
194b3 རྣམས།། ཐབས་ཀྱིས་འདུལ་བར་བྱ་བ་དང་།། བདུད་དང་རཱུ་ཏྲ་ལ་སོགས་པ།། ལམ་གྱི་འགལ་རྐྱེན་བྱེད་པའི་བགེགས།། དགྲ་སོགས་འཇོམས་པའི་ལས་རྣམས་ཀྱང་།། དྲག་ཤུལ་ལྡན་པས་ཡང་དག་བརྩམ།། འབར
194b4 ཞིང་རབ་ཏུ་རྔམ་པ་ཡིས།། ལེགས་བརྗོད་ལས་དང་ལས་ཀྱི་རིགས།། རབ་ཏུ་གསལ་དོན་ཡང་དག་བརྗོད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ལས། གླེང་གཞིའི་ལེའུ་སྟེ
194b5 དང་པོའོ།། སྠི།། ། དགྲ་བགེགས་ལོག་འདྲེན་འཇོམས་པའི་ལས།། སྔོན་དུ་འགྲོ་བའི་རིམ་པ་རྣམས།། བཅོམ་ལྡན་འདས་ཀྱིས་བཀའ་སྩལ་པ།། གནས་དང་དུས་དང་གང་ཟག་དང་།། དམིགས་བྱ་གང་ཡིན
194b6 ངོས་བཟུང་དང་།། དམིགས་བྱའི་རཱུ་པ་བྱ་བ་དང་།། ཐུན་རྫས་དང་ནི་བཅས་ཀ་སྟེ།། དྲག་སྔགས་བསྒྲུབ་པར་བྱེད་པའི་གནས།། སྠི་དང་བྱེ་བྲག་ཁྱད་པར་གསུམ།། སྤྱིར་ནི་རབ་འཇིགས་དུར་ཁྲོད
iiif viewer powered by OpenSeadragon
