| e-texts navigator |
| Wylie |
193b1 @། བླ་མ་དགོངས་པ་འདུས་པ་ལས་བླ་མ་ཡི་དམ་མཁའ་འགྲོ་ཐམས་ཅད་ཀྱི་དྲག་སྔགས་ཕྲིན་ལས་ཀྱི་རྒྱུད་སྤུ་གྲི་རེག་ཆོད་བཞུགས་སོ།། ཨུ་རྒྱན་གསང་བ་བརྡའི་སྐད་དུ། བླ་མམ་སྨད་དྷ་ཀླུས?མ། རྒྱ་གར་སྐད་དུ། གྷུ
193b2 རུ་དྷེ་ཝ་ཌཱཀྐི་ནི། སརྦ་ཀརྨ་ཏནྟ་ཀྵུ་ར་སྠེ་ཤ་ཙྪེ་ད་ན་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ཅེས་བྱ་བ། བཅོམ་ལྡན་འདས་དཔལ་ཆེན་རྔམ་པ་དྲག་པོ་གཏུམ
193b3 རྔམ་རབ་ཏུ་ཁྲོས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་རྒྱལ་པོ་ལ་ཕྱག་འཚལ་ལོ།། སྣང་སྲིད་རབ་ཏུ་གཡོས་ནས་ནི།། འབྱུང་བ་མེ་རླུང་འཁྲུགས་པའི་ཀློང་།། བདུད་དང་རཱ་ཏྲ་རབ་བསྒྲལ
193b4 ནས།། ཤ་ཁྲག་རྒྱ་མཚོར་འཁྱིལ་བའི་དབུས།། དྲག་སྔགས་མཚོན་ཆའི་གུར་ཁང་དུ།། དྲེགས་པ་ཁྱོ་ཤུག་བསྣོལ་བའི་སྟེང་།། བཅོམ་ལྡན་སྣང་བ་མཐའ་ཡས་སྐུ།། གཟི་བརྗིད་རབ་འབར་སྐུར་བཞེངས་ནས།། སྟོབས
193b5 ཀྱི་དཔའ་ཤུགས་རབ་བསྐྱེད་དེ།། སྐུ་གསུང་ཐུགས་ལས་འོད་ཀྱི་ཟེར།། ཚ་ཚྭས་སྣང་སྲིད་སྟོང་ཁམས་གང་།། མ་རུངས་པ་རྣམས་ཚར་གཅོད་ཅིང་།། སྤྲུལ་པ་དཔག་མེད་འགྱེད་པའི་ཚེ།། འཁོར་གྱི་གཙོ་མཆོག་དབང
193b6 ཆེན་རྒྱལ།། ཧ་ཡ་གྣི་ཝ་དགྲ་བགེགས་གཤེད།། རབ་ཏུ་ཁྲོས་པའི་སྟོབས་ཤུགས་ཅན།། སྐུ་ལ་དུར་ཁྲོད་ཆས་ཀྱིས་བརྒྱན།། སྤྱི་གཙུག་དབང་སྐད་རྟ་མཆོག་འཚེར།། སྦྲུལ་དང་ཡང་སྦྲུལ་དཔག་མེད
iiif viewer powered by OpenSeadragon
