| e-texts navigator |
| Wylie |
192b1 སྨན་དང་ལྷན་ཅིག་ཏུ།། རནྟའི་ཟ་མ་ཏོག་ཏུ་གཞུག། འབྲལ་མེད་ལུས་དང་གྲིབ་མ་བཞིན།། རང་གི་མཚན་ཁུང་གཡོན་དུ་འཆང་།། ཉོན་མོངས་རྟོག་ཚོགས་རབ་ཞི་ནས།། ཡེ་ཤེས་སྣང་བ་ངང་གིས་འཆར།། གནས
192b2 སྐབས་རྐྱེན་དང་བར་ཆོད་སེལ།། མཐར་ཐུག་མཆོག་གི་དངོས་གྲུབ་འབྱུང་།། ཞོར་ལ་ཐུན་མོང་དངོས་གྲུབ་ཀྱང་།། རྩོལ་མེད་ཆར་གྱི་རྒྱུན་བཞིན་འབབ།། ཉེས་པ་ཀུན་ལས་གྲོལ་ནས་ཀྱང་།། བདེ་ལེགས་ཡོན་ཏན
192b3 དཔལ་དང་ལྡན།། འདི་དག་ལུས་ལ་གནས་པ་ཡི།། རྣལ་འབྱོར་ལུས་རྒྱ་བྲལ་བའི་ཚེ།། འཇའ་འོད་སྐུ་གདུང་རིང་བསྲེལ་འབྱུང་།། ས་གཡོས་མེ་ཏོག་ཆར་འབབ་ཅིང་།། སྒྲ་དང་བཅས་ཏེ་རྟགས་བཟང་འབྱུང་།། གང
192b4 དག་ཡེ་ཤེས་རྒྱུད་དྲུག་པོ།། གང་གིས་བཅང་དང་ཀློག་པ་དང་།། འབྲི་དང་ཀུན་ཏུ་སུས་ཆུད་པ།། ཚེ་འདིར་བདེ་ལེགས་དཔལ་ལ་སྐྱོབ།། ཚུལ་ཁྲིམས་འཆལ་དང་དམ་ཚིག་ཉམས།། སྡོམ་པ་གསུམ་ལ་འགལ་བ
192b5 རྣམས།། སོར་ཆུད་ཉེས་པས་མི་གོས་ཤིང་།། བསྐལ་པ་གྲངས་མེད་སྡིག་པ་འདག། ཚེ་འཕོས་རིག་འཛིན་རྒྱལ་བའི་ཞིང་།། སྐད་ཅིག་ཉིད་ལ་བགྲོད་པར་འགྱུར།། དེ་དོན་ཡང་དག་ཉིད་ལ་གནས།། བླ་མ་ཡི་དམ
192b6 མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱུད་འཆང་བའི་ཐབས་དང་ཆེ་བའི་ཡོན་ཏན་བསྟན་པའི་ལེའུ་སྟེ་བརྒྱ་དང་བདུན་པའོ།། སྠི།། ། ཨེ་མ་དཔག་མེད་བཅོམ་ལྡན
iiif viewer powered by OpenSeadragon
