| e-texts navigator |
| Wylie |
192a1 སྐྱོང་སྤྱན་དྲངས་བསྟིམ།། དེ་ལྟར་མ་ཟིན་བར་དུ་བསྒོམ།། དེ་ལ་མ་ཡེངས་ཟིན་པ་དང་།། འོད་ཀྱིས་སྣང་སྲིད་ཐམས་ཅད་ཁྱབ།། བདག་དོན་བསམ་གྲུབ་རེ་བསྐངས་ནས།། ལོངས་སྤྱོད་ཆོས་དང་མཐུན
192a2 ནས་ཀྱང་།། བདག་གཞན་དོན་འབྲས་གང་བསམས་པ།། རྩོལ་མེད་ལྷུན་གྱིས་གྲུབ་བསམས་ནས།། སྤྲོས་བྲལ་ཆེན་པོའི་ངང་ལ་གཞག། དེ་ལྟར་ནང་རེ་བཞིན་བསྒོམས་པས།། དེ་ཉིད་ཇི་ལྟར་བསམས་པའི
192a3 དོན།། འགྲུབ་པར་གྱུར་ན་གདོན་མི་ཟ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བསམ་དོན་འགྲུབ་པར་བྱེད་པའི་ལེའུ་སྟེ་བརྒྱ་དང་དྲུག་པའོ།། སྠི།། རྒྱུད
192a4 འདི་འཆང་བར་བྱེད་པའི་ཐབས།། དུས་སྐར་ཚེས་གྲངས་བཟང་པོ་ལ།། མཐིང་ཤོག་རང་སོར་བཞི་པའི་ཚད།། གྲུ་བཞི་མཉམ་ཉིད་གླེགས་བམ་ལ།། རྒྱུད་ཚིག་རིན་ཆེན་གསེར་རམ་དངུལ།། རཏྣ་བཏུལ་བའི་ཁུ་བས
192a5 བྲི།། གང་ཡང་ལྷག་དང་ཆད་མེད་པས།། བྲིས་པ་རང་གི་མདུན་བཞག་སྟེ།། དམ་ཚིག་ཡི་གེའི་འབྲུ་རྣམས་ལ།། ཡེ་ཤེས་ཡིག་འབྲུ་དགུག་ལ་བསྟིམ།། གཞན་ཡང་ཡེ་ཤེས་ལྷ་ཡི་ཚོགས།། སངས་རྒྱས་བྱང་ཆུབ་སེམས
192a6 དཔའ་དང་།། བླ་མ་ཡི་དམ་མཁའ་འགྲོ་རྣམས།། མོས་པས་སྤྱན་དྲང་བཀུག་ལ་བསྟིམ།། ཕྱག་འཚལ་མཆོད་དང་བསྟོད་པ་བྱ།། ཅི་འདོད་ཡིད་སྨོན་གསོལ་བ་གདབ།། དེ་ནས་སྣ་ཚོགས་དར་གྱིས་གྲིལ།། དྲི་བཟང
iiif viewer powered by OpenSeadragon
