| e-texts navigator |
| Wylie |
184a1 གི།། བསྙེན་སྒྲུབ་གཏན་ལ་ཕེབ་བྱས་ཏེ།། གནོད་བྱེད་ཁྲམ་ལ་འདེབས་པའི་ཐབས།། དྲག་པོའི་ཤིང་ལ་བྱས་པ་ཡིས། ཁྲམ་ཤིང་སོར་བཞི་ཁྲུ་གང་བ།། དུག་ཁྲག་དག་གིས་ཁྱབ་པར་བྱུགས།། ལོགས
184a2 ལ་སྟག་རེ་གླང་ཁྲག་དང་།། རོ་སོལ་བསྲེས་པའི་སྣག་ཚ་ཡིས།། གནོད་བྱེད་དགྲ་བགེགས་ཆེ་གེ་མོ།། ལྷ་ཡི་ཁྲམ་ལ་ད་ཐོབ་ཅིག། དེ་སོགས་སྡེ་བརྒྱད་ཁྲམ་ཡིག་བཀོད།། རོ་རས་ནག་པོས་གྲིལ་བྱས་ལ།། སྡེ་བརྒྱད
184a3 འགྱུ་སྲང་གནས་སུ་མནན།། དམིགས་བྱ་སྡེ་བརྒྱད་ཁྲམ་ལ་འདེབས།། མི་འདོད་སྣ་ཚོགས་དེ་ལ་འབྱུང་།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དགྲ་བོ་ཁྲམ་ལ
184a4 འདེབས་པར་བྱེད་པའི་ལེའུ་སྟེ་དོན་བརྒྱད་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཁྲམ
184a5 ལ་ཐེབས་པ་ཕྱི་བའི་ཐབས།། རང་ལུས་གཟུངས་སྔགས་ཆུ་ཡིས་བཀྲུ།། གུ་གུལ་དྲི་ཆེན་དུད་པས་བདུག། ཚ་ཚ་གཉིས་པའི་ས་འདག་གིས།། མགོ་ལུས་མེད་པར་ཁྱབ་པར་བྱུག། གཅེར་བུ་ཕྱོགས་བཅུར་འོ་དོད
184a6 འབོད།། སླར་ཡང་དུར་ཐལ་ལུས་ལ་བྱུག། དུད་འགྲོ་མང་པོའི་སྐད་འདོན་ཞིང་།། བདག་ཉིད་ཆེ་གེ་མོ་ལྷ་ཡི་ཁྲམ་ལ་ཐེབས་པ་ཕྱིས།། དེའི་འགྲེས་ཡོངས་ཀྱི་ཁྲམ་ཕྱིས་བརྗོད།། དེ་ནས་རང་གི་དྲི་ཆུ་ཡིས།། ལུས
iiif viewer powered by OpenSeadragon
