| e-texts navigator |
| Wylie |
182a1 ཛཱི་པ་ར་ཕཊ་དུ་ཟད་རྦད་པྲ་མ་ནི་པུ་ཏྲ་དྷ་རི་རཀྵྨཱི་རརྦྷྱཱཾ་དུ་སྭཱ་ཧཱ། རྩ་སྔགས་བཅས་པས་བརྒྱ་རྩ་བཟླས།། སྲིད་དང་ལྡན་པའི་ལུས་ལ་གདགས།། སྲིད་ལ་གེགས་མེད་མཐར་ཕྱིན་འགྱུར།། བླ་མ་ཡི་དམ
182a2 མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིད་སྲུང་བར་བྱེད་པའི་ལེའུ་སྟེ་དོན་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ
182a3 བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཕ་རོལ་གདུག་བྱེད་ངག་གནོན་ཐབས།། ཞ་ཉེའི་བྱང་བུ་མིག་དགུ་ལ།། ཁ་སྦྱོར་བར་དུ་དམིགས་བྱ་ཡི། རཱུ་པ་ལྕེ་བརྐྱང་བྲང་ཁེབས་སྟེང་།། མཚལ་གྱིས
182a4 རྡོ་རྗེ་རྒྱ་གྲམ་བཀོད།། ཡན་ལག་བྱེད་དུ་བཅུག་པ་ཅན།། བྲིས་ཏེ་ཟག་པའི་རྫས་དང་བཅས།། བྱང་བུར་གཏིམས་ནས་ཚོན་སྐུད་གྲིལ།། བདག་ཉིད་ལྷ་ཡི་ང་རྒྱལ་བསྐྱེད།། དམིགས་བྱའི་རྣམ་ཤེས་བཀུག་ལ
182a5 བསྟིམ།། གང་འཐད་རཱ་ཅོའི་ནང་དུ་གཞུག། ཁོ་ཡི་འགྲིམས་ལམ་ས་རུ་མནན།། སྒྲ་མི་ཤེས་ཏེ་ལྐུགས་པའམ། ཁ་ལྕེ་དག་པར་གདོན་མི་ཟ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག
182a6 ཤིང་ལས། ངག་གནོན་པར་བྱེད་པའི་ལེའུ་སྟེ་དོན་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས
iiif viewer powered by OpenSeadragon
