| e-texts navigator |
| Wylie |
166a1 པར་བསྐྱོད།། འཇིག་རྟེན་གཞན་དུ་བྱེར་བར་དམིགས།། དེ་ལྟར་ལས་སྦྱོར་ལན་གསུམ་གྱིས།། གང་ལ་བྱས་པ་ཡུལ་གཞན་དུ།། དབང་མེད་ལས་ཀྱིས་བསྐྱོད་པར་བྱེད།། བླ་མ་ཡི་དམ་མཁའ
166a2 འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བསྐྲད་པའི་ལས་ཀྱི་ལེའུ་སྟེ་ཉི་ཤུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན
166a3 ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གང་ཞིག་དབང་དུ་བྱེད་པའི་ལས།། སྐྱེ་འགྲོ་ཕོ་རྣམས་འགུགས་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། དམིགས་བྱའི་གཟུགས་བྱས་མིང་རུས་བཅས།། རང་གི
166a4 མལ་འོག་དོང་དུ་གཞུག། ཟངས་ཕྱེ་རྨ་བྱའི་ཁྲག་གིས་བྲབ།། རྣམ་པར་ཤེས་པ་དགུག་བསྟིམ་ཞིང་།། ཆེ་གེ་མོ་ནརྀ་ཨཾ་ཀུ་ཤ་ཝ་ཤྱཾ་ཧྲིང་ཧྲིང་། ཞེས་པ་རྩ་སྔགས་ཤམ་བུར་གདགས།། ཞག་གསུམ་བྲོས་བཞིར་ལིངྒ
166a5 བཏོན།། སིནྡྷུ་ར་དང་རྒྱ་སྐྱེགས་དང་།། མྱོས་བྱེད་རང་གི་དྲི་ཆུའི་ནང་།། སྤངས་པའི་ཁུ་བ་གང་དམིགས་ཀྱི།། ལུས་ལ་གཏོར་རམ་ཁོང་དུ་བཏང་།། གང་ཟབ་སྐྱེས་པ་དབང་དུ་འགྱུར།། བླ་མ་ཡི་དམ་མཁའ་འགྲོ་ཐམས
166a6 ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྐྱེས་པ་འགུགས་པའི་ལེའུ་སྟེ་ཉེར་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག
iiif viewer powered by OpenSeadragon
