| e-texts navigator |
| Wylie |
165b1 བྱེད་དགྲ་བགེགས་གནན་པའི་ཐབས།། མཛེ་ཕོ་རབས་ཆད་ཐོད་པ་རུ།། དམིགས་བྱའི་གཟུགས་བྲི་མིང་བཅས་གཞུག། རྣམ་པར་ཤེས་པ་བཀུག་ལ་བསྟིམ།། ལྕགས་སྒྲོག་འབར་བས་བྱད་དུ་གཞུག། དྲག་པོའི་རྫས
165b2 ཀྱི་ཐུན་བརྡེག་ཅིང་།། གནོད་བྱེད་ཆེ་གེ་མོ་ཀ་ཡ་ཝཱ་ཀ་ཙིཏྟ་མཱ་ར་ཡ། སྟཾ་བྷ་ཡ། ནཱ་ཤ་ཡ། བྷ་ན་དྷ་ཡ། ནན་ནན། ཨོཾ་ལཾ་ཧཱུཾ་ལཾ་མཱ་ར་ཡ་ཕཊ། ཅེས་པས་དྲག་ཏུ་བཟླས་ནས་ཀྱང་། རོ་རས་ནག་པོས་དྲིལ་པར་བྱ།། ཚོན
165b3 སྐུད་སྣ་ལྔས་བྱད་དུ་གཞུག། མཆོད་རྟེན་རྙིང་པའི་རྨང་དུ་མནན།། གཡོ་བ་མེད་པར་ནོན་པར་འགྱུར།། དུས་གཟའ་དྲག་པོའི་ཐེབས་དང་སྤྲད།། བསྐལ་པའི་བར་དུ་ལྡང་མི་སྲིད།། བླ་མ་ཡི་དམ་མཁའ་འགྲོ་ཐམས
165b4 ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མནན་པའི་ལེའུ་སྟེ་བཅུ་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན
165b5 སྒྲུབ་གཏན་ལ་ཕེབ་བྱས་ཏེ།། གནོད་བྱེད་སྐྲོད་པར་བྱེད་པའི་ཐབས།། རང་ཉིད་དབང་ཆེན་འབར་བ་ཡིས།། ང་རྒྱལ་ལྡན་པའི་མདུན་ཉིད་དུ།། ཡཾ་ལས་རླུང་གི་དཀྱིལ་འཁོར་སྟེང་།། དམིགས་བྱ་གང་ཡིན་སྤྱི་གཟིར
165b6 བསྐྱེད།། དེ་ལ་རྣམ་ཤེས་བཀུག་ལ་བསྟིམ།། གནོད་བྱེད་ཆེ་གེ་མོ་ཡ་མེ་སྨུག་ག་ཏ་ཡཾ་ཡཾ་ཡཾ་ཕཊ་བྷྱོ་ཕཊ་བྷྱོ། ཞེས་པ་དྲག་ཏུ་བཟླས་པ་ཡིས།། རླུང་གི་དཀྱིལ་འཁོར་རབ་གཡོས་པས།། དམིགས་བྱ་རང་དབང་མེད
iiif viewer powered by OpenSeadragon
