| e-texts navigator |
| Wylie |
162a1 ཏན་གྱི་རྒྱུད་བསྟན་པའི་སྲོག་ཤིང་ལས། འགྲོ་བ་ཐམས་ཅད་ཀྱི་བྱམས་པར་བྱེད་པའི་ཐབས་ཀྱི་ལེའུ་སྟེ་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ
162a2 ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མཐུ་རྩལ་ཆེ་བར་བྱེད་པའི་ཐབས།། རང་ཉིད་སྟོབས་ཀྱི་རྒྱལ་པོར་བསྒོམ།། རྩ་སྔགས་མ་ཧཱ་བ་ལའི་གཤམ།། མང་དུ་བཟླས་ཤིང་ལུས་རྩལ
162a3 སྦྱང་།། གླང་ཆེན་རྐང་དམར་ལུས་ལ་བྱུགས།། རྟག་ཏུ་མེ་དང་ཉི་མ་སྤང་།། ལུས་ལ་གཅན་གཟན་ཤུན་ལྤགས་གོན།། ལུས་སྟོབས་རབ་ཏུ་རྒྱས་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད
162a4 བསྟན་པའི་སྲོག་ཤིང་ལས། སྟོབས་དང་མཐུ་རྩལ་ཆེར་འཕེལ་བར་བྱེད་པའི་ཐབས་བསྟན་པའི་ལེའུ་སྟེ་བཅུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི
162a5 ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ནད་གདོན་སྡིག་སྒྲིབ་ལ་སོགས་པ།། མི་མཐུན་ཕྱོགས་རྣམས་ཞི་བའི་ཐབས།། ཞི་བའི་སྦྱིན་སྲེག་བརྩམ་པར་བྱ།། གླང་མ་བལ་དཀར་ལ་སོགས་པ།། ཞི་བའི་ཤིང
162a6 རྣམས་ཟླུམ་པོར་བརྩིག། བདག་ཉིད་ལྷ་ཡི་ང་རྒྱལ་གྱིས།། མེ་སྦར་ཐབ་ཏུ་མེ་ལྷ་དང་།། མོས་པའི་ལྷ་བསྐྱེད་དཀར་པོར་གསལ།། ཏིལ་སོགས་འབྲུ་སྣ་མང་པོ་དང་།། དཀར་གསུམ་དག་གི་བསྲེག་རྫས་དབུལ།།
iiif viewer powered by OpenSeadragon
