| e-texts navigator |
| Wylie |
160b1 རིན་ཆེན་བཅས།། མི་ཡིས་མ་མཐོང་ལུས་ལ་འཆང་།། བསོད་ནམས་མངའ་ཐང་རབ་རྒྱས་ནས།། འགྲོ་བའི་ཁ་ལོ་ཡིད་བཞིན་བསྐུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང
160b2 ལས། བསོད་ནམས་རྒྱས་པར་བྱེད་པའི་ཐབས་བསྟན་པའི་ལེའུ་སྟེ་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན
160b3 ལ་ཕེབ་བྱས་ཏེ།། ལོངས་སྤྱོད་འཕེལ་བར་བྱེད་པའི་ཐབས།། སྐར་མ་རྒྱལ་ལ་བརྡུངས་པ་ཡི།། གསེར་གྱི་བྱང་བུ་མིག་དགུ་པ།། གཡུ་ཡི་ཕྲ་ཅན་དར་དམར་དྲིལ།། མི་ལག་མི་འགྲིམས་ལུས་ལ་འཆང་།། བདེ
160b4 གཤེགས་རིགས་ལྔ་ལ་སོགས་པའི།། བླ་མ་ཡི་དམ་མཁའ་འགྲོ་རྣམས།། ཡང་ཡང་བཀུག་ནས་བྱང་བུར་བསྟིམ།། རྩ་སྔགས་པ་སུའི་གཤམ་ཅན་བཟླས།། དཔལ་འབྱོར་ལོངས་སྤྱོད་འཕེལ་བར་འགྱུར།། བླ་མ་ཡི
160b5 དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལོངས་སྤྱོད་འཕེལ་བའི་ཐབས་བསྟན་པའི་ལེའུ་སྟེ་ལྔ་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ
160b6 འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། འགྲོ་བ་འདུ་བར་བྱེད་པའི་ཐབས།། ཟངས་ཀྱི་བྱང་བུ་སོར་བཞི་ལ།། མཚལ་གྱིས་སྣང་བ་མཐའ་ཡས་སྐུ།། ལོངས་སྤྱོད་རྫོགས་པའི་ཆ
iiif viewer powered by OpenSeadragon
