| e-texts navigator |
| Wylie |
160a1 ལས། རྩ་བའི་བསྒྲུབ་པ་བསྟན་པའི་ལེའུ་སྟེ་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ
160a2 བྱས་ཏེ།། རིན་ཆེན་ཚེ་ནི་སྲིང་བའི་ཐབས།། ཐོ་རངས་མི་ཚིག་མ་འདྲེས་དུས།། བདག་ཉིད་སྣང་བ་མཐའ་ཡས་སྐུ།། དམར་གསལ་མདངས་ལྡན་མཉམ་གཞག་མཛེས།། ཚེ་བུམ་བཅུད་ལྡན་རྒྱན་གྱིས་སྤྲས།། ལོངས
160a3 སྐུའི་ཆ་ལུགས་ལྡན་པས་བསྣམས།། དུས་གསུམ་རྒྱལ་བ་བཀུག་ནས་ནི།། བདག་ཉིད་ཚེ་བུམ་བཅས་ལ་བསྟིམ།། ཨོཾ་བཛྲ་ཛྙཱ་ན་ཨཱ་ཡུ་ཥེ་ཚེ་བྷྲཱུཾ་སྭཱ་ཧཱ། དེ་ལྟར་བརྒྱ་སྟོང་ལ་སོགས་བཟླས།། རིན་ཆེན་ཚེ་ཡི་དངོས་གྲུབ
160a4 བླང་།། ཕམ་གདལ་དམིགས་མེད་ངང་ལ་བཞག། ཚེ་འཕེལ་དངོས་གྲུབ་འབྱུང་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཚེ་སྲིང་བའི་ལེའུ་སྟེ་གསུམ་པའོ།། །
160a5 སྤྱི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། བསོད་ནམས་རྒྱས་པར་བྱེད་པའི་ཐབས།། ཟླ་རྒྱས་བཅོ་ལྔའི་དུས
160a6 ཀྱི་ཚེ།། བཞི་མཉམ་དར་སེར་དྲི་མེད་ལ།། བདག་ལུས་རིན་ཆེན་གསེར་གྱིས་བྲིས།། ཡང་སྙིང་རྩ་བའི་སྔགས་ཀྱི་མཐར།། པུཎྱ་ཛྙཱ་ན་པུཥྚི་ཀུ་རུ་ཨོཾ་སྭཱ་ཧ། ཁྲི་འབུམ་ལ་སོགས་ཅི་འགྲུབ་བཟླས།། སྣ་ཚོགས་དར་དང
iiif viewer powered by OpenSeadragon
