| e-texts navigator |
| Wylie |
159a1 རྒྱུད་བསྟན་པའི་སྲོག་ཤིང་ལས། གླེང་གཞིའི་ལེའུ་སྟེ་དང་པོའོ།། སྠི།། ། བླ་མེད་བྱང་ཆུབ་བསྒྲུབ་པ་ལ།། ལམ་གྱི་མཐུན་རྐྱེན་བསྒྲུབ་བྱའི་ཕྱིར།། ཐུན་མོང་ཐབས་ཀྱི་ལས་རྣམས་ཀུན།། སྟོབས
159a2 དང་ལྡན་པའི་སྐྱེས་བུས་བརྩམ།། འབྲས་བུ་སྐུ་གསུམ་བྱེད་པའི་ལམ།། མཐུན་རྐྱེན་ཐབས་ཀྱི་ཡན་ལག་ཏུ།། སྣ་ཚོགས་ལས་ཀྱི་སྦྱོར་བ་བརྩམ།། དེ་དོན་འགྲུབ་གང་འབྲས་བུ་གསུམ།། གདོན་མི་ཟ་བར་སྨིན་པར
159a3 འགྱུར།། དེ་ལྟར་ལས་ཀྱི་དང་པོ་ནི།། བྱིན་བརླབས་དངོས་གྲུབ་ཕྲིན་ལས་རྣམས།། འབྱུང་ཕྱིར་རྩ་བའི་བསྒྲུབ་པ་བྱ།། དད་པ་མོས་གུས་ཤུགས་བྱུང་ལ།། བླ་མ་རྒྱན་དང་ཆ་ལུགས་ཅན།། སྐུ་གསུམ་ངོ་བོ་མཚན་དཔེས
159a4 སྤྲས།། གནས་ལྔ་ལ་སོགས་ཡན་ལག་མཐིལ།། རྩེ་གཅིག་མ་ཡེངས་མདུང་ཚུགས་བསྒོམ།། བདག་ལུས་སྒྱུ་མའི་གྲོང་ཁྱེར་འདི།། ཡི་དམ་ཞི་དང་ཁྲོ་བོའི་ཚུལ།། གང་འདོད་དཔའ་བརྗིད་ལྡན་པར་བསྐྱེད།། རྩ་གནས
159a5 པབ་སྤུའི་གྲོང་ཁྱེར་དུ།། རིགས་ཀྱི་དཔའ་བོ་མཁའ་འགྲོའི་ཚོགས།། གྲངས་མེད་རྩིས་ལས་འདས་པ་ཡང་།། རང་རང་རྒྱན་དང་ཆ་ལུགས་བཅས།། རིགས་ཀྱི་མདོག་ཅན་ཕྱག་མཚན་འཛིན།། སྦྲུལ་དང་ཡང་སྦྲུལ་བཅས
159a6 པ་ཡང་།། གཞན་ཡང་རང་ཉིད་དད་པའི་ལྷ།། སྤྲུལ་པ་ལ་སོགས་དཔག་མེད་རྣམས།། སྣང་ལ་རང་བཞིན་མ་གྲུབ་པར།། གསལ་ལ་སྒྲིབ་གཡོགས་མེད་པར་བསྐྱེད།། ཨོཾ་ཨཱཿཧཱུཾ་ཧྲཱིཿ། བཛྲ་གྷུ་རུ་དྷེ་ཝ་ཌཱཀྐི་ནི་སརྦ་སིདྡྷི
iiif viewer powered by OpenSeadragon
