| e-texts navigator |
| Wylie |
157b1 གྲངས་ཕྲ་མོ་རྣམས།། རང་རང་གནད་ཐོག་མཁས་པས་དབབ།། དཔའ་བོ་གཡུལ་ལ་ཆས་པ་ལ།། གོ་མཚོན་ལྟ་བུའི་མན་ངག་གོ། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས།།
157b2 བྱང་ཆུབ་ལམ་གྱི་གེགས་སེལ་བའི་ལེའུ་སྟེ་ང་དགུ་པའོ།། སྠི།། ། ཨེ་མ་ཨེ་མ་བཅོམ་ལྡན་འདས།། བཅོམ་ལྡན་དཔག་མེད་རྒྱལ་པོ་ཀྱེ།། མ་རྟོག་ལོག་པར་རྟོག་པ་ཡི།། སྐྱེ་འགྲོ་མ་ལུས་འདུལ་དོན་དུ།། ཡང
157b3 དག་མཐར་ཟུག་ཐེག་པའི་ཆོས།། གདུལ་བྱ་གང་དང་གང་འཚམས་པ།། སོ་སོར་ལྟ་བསྒོམ་སྤྱོད་འབྲས་བཅས།། གཞི་སྣང་ཡེ་ཤེས་ཆེན་པོའི་གནད།། གདོད་ནས་དག་པའི་ཡང་སྙིང་མཆོག། དྲི་མེད་ལམ་མཆོག
157b4 བགྲོད་པའི་ཐབས།། གཡོ་བ་མེད་པའི་ངང་ཉིད་ལས།། སྐུ་ལས་འོད་བྱུང་ཕྱོགས་བཅུར་བཀྱེས།། གསུང་ལས་ཆོས་ཀྱི་འབྲུག་སྒྲ་སྒྲོགས།། ཐུགས་རྗེ་བརྩེ་བ་ཆེན་པོ་ཡིས།། བདག་ཅག་འདུས་པའི་འཁོར་རྣམས
157b5 ལ།། ལྷང་ངེར་རྩལ་བས་རྗེས་ཡི་རང་།། བདག་ཅག་སྤྲུལ་པའི་འཁོར་དང་ཡང་།། ཡང་འཁོར་གདུལ་བྱའི་ཞིང་གྱུར་པ།། ལྷ་དང་ཀླུ་དང་གནོད་སྦྱིན་དང་།། མི་དང་དྲི་ཟ་གྲུལ་བུམ་སོགས།། རྗེས་སུ་ཡི་རང་མངོན
157b6 པར་བསྟོད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རྗེས་སུ་ཡི་རང་ཞིང་མངོན་པར་བསྟོད་པའི་ལེའུ་སྟེ་དྲུག་ཅུ་པའོ།། །། ། ཐུགས་ཀྱི་བཅུད་དྲི་མ་མེད་པའི་རྒྱུད
iiif viewer powered by OpenSeadragon
