| e-texts navigator |
| Wylie |
157a1 འདས་ཐམས་ཅད་བདེ་སྟོང་ཟག་མེད་ཀྱི་དབྱིངས་སུ་བསྒྲལ་ནས་འབྲས་བུ་སྐུ་གསུམ་ཡེ་ཤེས་ལྔར་རྫོགས་པར་བསྟན་པའི་ལེའུ་སྟེ་ང་བརྒྱད་པའོ།། སྠི།། ། ཡང་དག་བླ་མེད་བྱང་ཆུབ་དོན།། སྐུ
157a2 གསུམ་ཡེ་ཤེས་བླ་མ་ཡི།། འབྲས་བུ་བསྒྲུབ་པར་བླ་མེད་པའི།། ལམ་གྱི་འགལ་རྐྱེན་པར་ཆད་རིགས།། བདུད་དང་བདུད་ཀྱི་རིགས་རྣམས་ཀྱི།། ཆོ་འཕྲུལ་དུ་མ་བཟློག་པའི་ཐབས།། རྣལ་འབྱོར་རྒྱལ་པོས་འདི་ལྟར
157a3 བལྟ།། གཞི་ལས་གཡོས་པ་མེད་པའི་ངང་།། ལུས་ངག་ཡིད་ལ་ཇི་ལྟར་གྱི།། ཟང་ཟིང་རྣམ་པ་ཅི་བྱུང་ཡང་།། ཅི་མི་སྙམ་པ་རྡོ་རྗེའི་ཐུགས།། རྩལ་ཆེན་གནམ་ལྕགས་བུ་ཡུག་ལས།། ཕྲ་རྡུལ་རབ་ཏུ་གཏོར་ཤེས
157a4 པས།། ཇི་མི་སྙམ་པའི་གདེང་གིས་བཅད།། ཡངས་དང་དོག་དང་ཕྲ་རགས་སོགས།། ལོ་མ་སྤྲུལ་པའི་འཁོར་ལོས་བཅད།། སྤྲུལ་པ་ལས་ཀྱང་སྤྲུལ་པ་ཡི།། ཆོ་འཕྲུལ་དེ་ཡང་ང་ཡིས་བཅད།། ཡོད་ལས་མེད་དང་མེད
157a5 ལས་བྱུང་།། དེ་དག་བདག་རྟོག་བཤིག་ལས་གྲོལ།། མཉམ་ཡངས་ཆེན་པོར་ངང་བཞག་པས།། ཀུན་ཀྱང་ཆུ་ལ་ཆུ་ཐིམ་ལྟར།། དེ་ཡོད་མ་ཡིན་དེ་མེད་མིན།། ཡོད་མེད་བླང་དོར་ལས་འདས་པས།། ཆོ་འཕྲུལ་བཟློག
157a6 པའི་དཔའ་བོ་ཡིན།། ཡ་ང་གཡང་ས་གཅོད་པ་ཡིན།། འཁུ་འཕྲིགས་ཞེན་པ་བཟློག་པ་ཡིན།། གེགས་སེལ་གནད་ཀྱི་མཐར་ཐུག་ཡིན།། དེ་ལས་གཞན་ཡང་ལམ་གྱི་ཆ།། རྩལ་གྱི་སྦྱོར་བ་དུ་མ་དང་།། རྫས་ཀྱི་རྣམ
iiif viewer powered by OpenSeadragon
