| e-texts navigator |
| Wylie |
156b1 ཏུ་མེད་ཤར་བས།། སྙིང་པོ་ཆོས་སྐུ་མཉམ་པ་ཉིད།། ལོངས་སྐུ་གསལ་དག་རྐྱེན་དང་བྲལ།། སྦྲུལ་སྐུ་རོལ་པ་འགག་མེད་ལས།། ཡང་སྦྲུལ་ཆོ་འཕྲུལ་བཅས་པ་སྣང་།། སྐུ་གསུམ་ཡེ་ཤེས་ལྔ་ཉིད་ལས།། མྱ་ངན་འདས
156b2 དང་མྱ་ངན་འདའ།། ཀུན་ནས་མྱ་ངན་འདས་པ་བ།། རྫོགས་པའི་འབྲས་བུ་ཡང་དག་གོ། གནས་སྐབས་ཡུལ་གྱི་འབྲས་བུ་ཡང་།། ཚེ་ལ་དབང་འབྱོར་འཐོབ་པ་དང་།། ལོངས་སྤྱོད་ཉིད་ལ་དབང་འབྱོར་པ།། ཐུན་མོང
156b3 གང་དང་གང་དག་རྣམས།། རྩོལ་མེད་རང་བྱུང་ལྷུག་པར་རོ།། འདོད་དང་འདོད་ཆགས་རྣམ་བྲལ་ཡང་།། འདོད་ཆགས་ཉིད་ལས་མ་གཡོས་པར།། འདོད་ཆགས་རང་སར་དེ་གྲོལ་ཞིང་།། ཆགས་པས་ཆགས་པ
156b4 དབང་དུ་སྟེ།། ཆགས་པས་སེམས་ཅན་རང་གྲོལ་འགྱུར།། དེ་བས་འདོད་ལ་ཆགས་བྲལ་བ།། རང་བབས་ཆགས་པ་མེད་པར་འཆང་།། ཆགས་པའི་འབྲས་བུ་བདེ་གསལ་ནས།། མི་རྟོག་ཡེ་ཤེས་ཏིང་འཛིན་སྐྱེ།། དེ
156b5 ནས་ཀུན་ནས་ཀུན་བཟང་བ།། ཡབ་ཡུམ་ལ་སོགས་དཀྱིལ་འཁོར་གྱི།། གཞི་སྣང་ཉིད་དུ་མངོན་འབྲས་འགྲུབ།། ཨེ་མ་དོན་དམ་ཀུན་རྫོབ་ཀྱི།། དབྱེ་བསལ་མཚན་འཛིན་ཕྲ་རགས་དང་།། འཁོར་བའི་ཡོ་ལང་དུ་མ
156b6 དང་།། དེ་བཞིན་མྱ་ངན་འདས་པ་ཡི།། ཐུགས་རྗེའི་ཆོ་འཕྲུལ་མ་ལུས་པ།། ཐམས་ཅད་ཐམས་ཅད་དབྱིངས་སུ་ནུབ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། འཁོར
iiif viewer powered by OpenSeadragon
