| e-texts navigator |
| Wylie |
156a1 རང་སར་དེངས་པ་ལྟར།། གཞི་ལས་སྣང་བའི་དངོས་པོ་ཀུན།། བདེ་བའི་ཆོ་འཕྲུལ་དུ་མ་དང་།། དེ་བཞིན་ཆོ་འཕྲུལ་ལང་ལོང་ཡང་།། གཞི་ཉིད་ངང་དུ་རང་དངས་པས།། འབད་རྩོལ་བྲལ་བའི་རང
156a2 སྟོང་སྟེ།། དངོས་དང་དངོས་མིན་མཐའ་བྲལ་བའི།། ཡེ་ཤེས་རང་གྲོལ་རང་ཤར་ཉིད།། དངོས་ལ་དེ་བཞིན་ཉིད་སྣང་བ།། འཁྲུལ་པ་དག་པའི་འདུ་འཕྲོ་ལས།། གཟུང་འཛིན་བཅས་པ་མ་ཡིན་ནོ།། ཡེ་སྟོང་དག་པའི
156a3 ཀློསློང་རྡོལ་ནས།། ཉག་གཅིག་དེ་ཀུན་གཤིས་ལ་ཤར།། ཤར་བ་དེ་ཉིད་རང་བབ་གྲོལ།། དེ་ལྟར་བདེ་གསལ་སྟོང་པའི་ངང་།། མི་རྟོག་ཡེ་ཤེས་བླ་མ་ཡིན།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ
156a4 མཁའ་ཀློང་ཡངས་ལས། སྟོང་པ་ཉིད་ཡེ་དག་གད་ལ་ཁྱབ་དུ་བསྟན་པའི་ལེའུ་སྟེ་ང་བདུན་པའོ།། སྠི།། ། བདེ་སྟོང་ཟག་པ་མེད་པ་ཡི།། ཡེ་ཤེས་རང་ས་ཟིན་པའི་གནད།། གཤིས་ལ་གཡོ་བ་མེད་བཞིན
156a5 དུ།། བཅས་བཅོས་བཟོ་མེད་ལྷུག་པའི་ཀློང་།། རང་གསལ་ཉིད་དུ་གནས་པར་གཞག། བདག་རྐྱེན་དང་ནི་གཞན་རྐྱེན་དང་།། དེ་བཞིན་འདུ་འཕྲོ་དུ་མ་རྣམས།། གཅིག་ལ་གཅིག་བརྟེན་ཡིན་པའི་ཕྱིར།། དེ་དག་རང
156a6 བབ་བཅོས་མེད་པར།། རང་རང་གནས་ལས་གཡོ་མེད་དུ།། ད་ལ་ལ་ཕབ་ནས་གཞག་པ་ཡིས།། དང་པོར་གཡོ་དང་བར་དུ་གནས།། ཐ་མ་བརྟན་པ་ཐོབ་ནས་ཀྱང་།། འབྲས་བུ་རྒྱུ་ཡི་ཡེ་ཤེས་ལས།། རྩལ་སྣང་དཔག
iiif viewer powered by OpenSeadragon
