| e-texts navigator |
| Wylie |
151b1 ལ་བབས་ཚེ་ལས་སྦྱོར་གྱི།། འབྱིན་འཇུག་བསྒྱེལ་བའི་ལས་ལ་གཟབ།། མཁའ་ལ་འཕུར་དང་མེ་ཡི་ལས།། ཆུ་དང་བྲག་ལ་ཐོགས་མེད་སོགས།། སྣ་ཚོགས་རྫུ་འཕྲུལ་ཐུན་མོང་དང་།། མངོན་སུམ་གནད་ལ་མཁས
151b2 བྱེད་དང་།། ཉི་ཟླ་བཙོན་དུ་བཟུང་བ་ཡི།། འཁྲུལ་འཁོར་ལ་སོགས་གང་དང་གང་།། དེ་དང་དེ་སོགས་ལས་རྣམས་ཀུན།། སྟོབས་ཆེན་དེ་ཡི་རྩལ་ལས་འབྱུང་།། དེ་དང་དེ་ཚུལ་བརྩོན་པས་འབད།། བླ་མ་ཡི་དམ
151b3 མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རླུང་གི་རྒྱུ་བ་དང་བྱེད་པ་བསྟན་པའི་ལེའུ་སྟེ་ཞེ་བདུན་པའོ།། སྠི།། ། ཡང་དག་རྣམ་པར་ངེས་པ་དང་།། མ་ངེས་པ་སྟེ་དུ་མ་ཡིས།། ཐིག་ལེ
151b4 གང་དང་སྟོང་པ་དང་།། རྒྱུ་དང་རྣམ་པར་རྒྱུ་བ་དང་།། རང་བབས་གཤིས་ལ་གནས་པ་དང་།། འཕེལ་དང་མི་འཕེལ་ལ་སོགས་ཀྱང་།། རྣམ་པར་རིག་བྱེད་འཕྲོ་འདུ་ལས།། ཕྲ་རགས་བྱེད་པ་སྣ་ཚོགས་སོ།། བཅུ་དྲུག
151b5 གྲངས་ལས་བྱེད་ཅན་དུ།། དྲུག་ལས་རྒྱུ་དང་འབྲས་བུ་ཉིད།། བྱེད་པའི་རྐྱེན་ལས་སྣང་བར་འགྱུར།། གཡོ་བ་མེད་པ་བརྒྱད་ཉིད་ཀྱིས།། རྣམ་པར་རིག་བྱེད་འཕྲོ་དང་འདུ།། ཡེ་ཤེས་ཉིད་དང་སྤྲུལ་པ་དང་།། ཡང་སྤྲུལ
151b6 འཕྲོ་འདུ་ཡང་ཡང་སྟོན།། མ་དག་དུག་ལྔ་དང་ཡང་གཞན།། ལས་ཀྱི་འཁྲུལ་འཁོར་སྣ་ཚོགས་བསྐྱེད།། དག་དང་མ་དག་ཁྱད་པར་ལས།། འཁྲུལ་འཁོར་ཞིག་དང་མ་ཞིག་གི།། ཁྱད་པར་ལ་སོགས་མང་པོ་དང་།། བདེ།
iiif viewer powered by OpenSeadragon
