| e-texts navigator |
| Wylie |
142a1 རྣམ་དག་སྤྲོས་བྲལ་ཞིང་།། སྤྲོས་དང་ཡང་དག་དེ་བཞིན་ཉིད།། ཆོས་དབྱིངས་རབ་འབྱམས་ཡེ་ཤེས་སོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཆོས་ཀྱི
142a2 དབྱིངས་ཀྱི་ཡེ་ཤེས་བསྟན་པའི་ལེའུ་སྟེ་ཉེར་ལྔ་པའོ།། སྠི།། ། མེ་ལོང་ལྟ་བུའི་ཡེ་ཤེས་ཀྱང་།། འཆར་སྒོ་རྣམ་པ་དུ་མ་ཡི།། རོལ་པ་མ་འགགས་ས་ལེ་བ།། རབ་རིབ་མུན་པ་རབ་སངས་ནས།། སྣང་ངོར་གསལ
142a3 ཙམ་མ་ཡིན་པར།། གཏིང་གསལ་ཡེ་ཤེས་ཆེན་པོའི་དོན།། ཐམས་ཅད་རང་ལ་རང་བཞིན་སྣང་།། གསལ་ལ་མ་འདྲེས་སོ་སོར་སྣང་།། འཕྲོ་དང་འདུ་དང་རླབས་གཡོ་བ།། ཕྱོགས་དང་རིས་ཆད་མ་ཡིན་ཅིང་།། འཁོར
142a4 མོ་ཡུག་ལ་གསལ་བ་སྟེ།། སྣང་ལ་རང་བཞིན་མ་གྲུབ་གསལ།། གསལ་ལ་འཛིན་པ་མེད་པར་ཁྱབ།། བདག་དང་བདག་རྐྱེན་ཡུལ་འདས་པར།། སྒོ་རྣམས་གང་ཡང་མ་འགགས་ཤིང་།། ལྷུག་པ་ཉིད་དུ་སྣང་བ
142a5 ལས།། མེ་ལོང་ལྟ་བུའི་ཡེ་ཤེས་ཏེ།། བསྒྲིབ་བྱ་སྒྲིབ་བྱེད་བསྒྲིབ་པ་ལས།། འདས་ཤིང་རང་སྣང་དཀྱིལ་འཁོར་རྫོགས།། ཡུལ་དང་ཡུལ་ཅན་གཉིས་མཉམ་པར།། གསལ་ལ་མ་འདྲེས་ཤར་བའོ།། བླ་མ་ཡི་དམ་མཁའ
142a6 འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། མེ་ལོང་ལྟ་བུའི་ཡེ་ཤེས་བསྟན་པའི་ལེའུ་སྟེ་ཉེར་དྲུག་པའོ།། སྤྱི།། ། མཉམ་པ་ཉིད་ཀྱི་ཡེ་ཤེས་ནི།། འཁོར་བ་གཏིང་མཐའ་མེད་པ་དང་།། འདས
iiif viewer powered by OpenSeadragon
