| e-texts navigator |
| Wylie |
134b1 ཟད་པ་རང་ཟད་དེ།། རང་སྣང་རང་ངོ་ཤེས་ནས་ནི།། རྒྱུ་དང་རྐྱེན་གྱི་མཐའ་གཅོད་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། མ་རྟོགས་སེམས་ཅན་གྱི་འཁྲུལ་གཞི
134b2 བསྟན་པའི་ལེའུ་སྟེ་བཅུ་གསུམ་པའོ།། སྠི།། ། འཁྲུལ་པ་དེ་ལས་ཟློག་པའི་ཐབས།། དང་པོ་སྔོན་དུ་འགྲོ་བའི་ལས།། འཁོར་འདས་རུ་ཤན་ཕྱེ་བ་སྟེ།། ལུས་སྦྱང་སེམས་ལ་ཕན་པའི་ཕྱིར།། ལུས་ཀྱི་གནད་ལ
134b3 གོམས་བྱ་ཞིང་།། སྐུ་གསུམ་བདག་ཉིད་གནས་པ་ཡིས།། འདུག་སྟངས་རྣམ་པ་གསུམ་ལ་བསླབ།། ལུས་ཉིད་གྲོལ་བ་རྣམ་གྲོལ་ཕྱིར།། ཆོས་ཀྱི་སྐུ་ཡི་བཞུགས་སྟངས་སུ།། རྣམ་པ་གསུམ་དུ་ཤེས་པར་བྱ།། ཆོས་སྐུའི
134b4 ཆོས་སྐུ་རྣམ་རོལ་ལས།། གྱད་བཞི་ཨར་ལ་གཏད་ནས་ཀྱང་།། སེངྒེ་གྱད་ཀྱི་མཆོད་སྟབས་བསླབ།། ཆོས་སྐུའི་ལོངས་སྐུའི་སྟངས་སྟབས་ལ། ཁྲོ་རྒྱལ་དཔལ་ཆེན་རྔམ་པའི་སྟངས།། རྐང་ལག་གྲད་དེ་མཁའ་ལ
134b5 གཏད།། ཆོས་སྐུའི་སྦྲུལ་སྐུའི་འདུག་སྟངས་སུ།། སེངྒེ་འགྱིང་བག་བཅས་པའི་ཚུལ།། དེ་ལྟར་རྣམ་གསུམ་གང་བསླབ་ཀྱང་།། ཨ་འབྲས་སྨིན་ཕྲག་མཁའ་ལ་གཏད།། གཡོ་མེད་དལ་བྲེལ་མེད་པར་བཞག། དེ་བཞིན
134b6 ལོངས་སྐུའི་འདུག་སྟངས་སུ།། གླང་ཆེན་ཉལ་བ་ཆོས་ཀྱི་སྐུ།། སྟག་མོའི་ངར་སྟངས་ལོངས་སྤྱོད་རྫོགས། ཁྱུང་ཆེན་མཁའ་ལྡིང་སྤྲུལ་པའི་སྐུ།། དེ་གསུམ་གང་ལ་རྩལ་སྦྱང་ཡང་།། ཨ་འབྲས་ཟུར་ལ་ཕབ་ཅིང
iiif viewer powered by OpenSeadragon
