| e-texts navigator |
| Wylie |
128a1 གི་དཀྱིལ་འཁོར་ལས་ལངས་ཤིང་། གནས་ལུགས་ཀྱི་ཆེ་བ་རང་ལ་བསྟན་པའི་དོན་དམ་ནམ་མཁའི་ཀློང་ཡངས་ལྟ་བུའི་དགོངས་པ་གཏན་ལ་དབབ་པར་གསོལ་བས། དེ་ཉིད་དུ་ཉིད་ཀྱི་ཐུགས་ཡངས
128a2 པ་ཆེན་པོ་མཐའ་ཡས་པའི་དཀྱིལ་འཁོར་ནས། འོད་ཟེར་ཁ་དོག་སྣ་ཚོགས་པའི་འཕྲོ་འདུ་ཕྱོགས་ཐམས་ཅད་དུ་ཁྱབ་པར་མཛད་དེ་གསུངས་པ། ཨེ་མ་བསམ་བརྗོད་བྲལ་བའི་འཁོར།། སེམས་དཔའ་དང་ནི་སེམས
128a3 མ་ཉོན།། ང་ཡི་ཀློང་ལས་རབ་སྤྲོས་པ།། ང་ཡི་ཀློང་ལས་རང་ཤར་བ།། དཀྱིལ་འཁོར་ང་ཡི་དབྱིངས་ལས་གསལ།། འཕྲོ་འདུ་ང་ཡི་དབྱིངས་ལས་སྣང་།། རང་བྱུང་ང་ལ་ཐམས་ཅད་རྫོགས།། རྫོགས་པའི་ཡེ་ཤེས་དོན
128a4 རབ་བཟུང་།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློངས་ཡངས་ལས། གླེང་གཞིའི་ལེའུ་སྟེ་དང་པོའོ།། སྠི།། ། རང་སྣང་སྤྲུལ་པའི་འཁོར་རྣམས་ཉོན།། སྤྲོས་མེད་སྤྲོས་དང་བྲལ
128a5 བའི་དོན།། སྤྲོས་བྲལ་ཡེ་ཤེས་ཆེན་པོ་ནི།། སྤྲོས་པ་མེད་པའི་རྣལ་འབྱོར་པས།། སེམས་ཀྱི་སྤྲོས་པ་བཅད་དེ་བསྒོམ།། དེ་བསྒོམ་གནད་དུ་བསྣུན་པ་ལ།། ངོ་སྤྲོད་གཏན་ལ་དབབ་དོན་དུ།། མཚན་ཉིད་ལྡན་པའི་བླ་མ
128a6 གཅེས།། དུས་གསུམ་སངས་རྒྱས་མ་ལུས་ཀྱང་།། མཚན་ཉིད་ལྡན་པའི་བླ་མ་ལ།། གུས་བཏུད་འབྲས་བུ་རྫོགས་སངས་རྒྱས།། དེ་ཕྱིར་མཚན་ཉིད་ཀུན་ལྡན་པའི།། བླ་མ་དེ་ཡི་སྐུ་ཡི་ཆ།། མཛེས་ཤིང་བག་དྲོ་ལྷུན
iiif viewer powered by OpenSeadragon
