| e-texts navigator |
| Wylie |
115a1 ལྡན་པ་སུས་བརྩོན་པས།། བླ་མའི་སྐུ་གསུང་ཐུགས་དང་ནི།། རང་གི་ལུས་ངག་ཡིད་གསུམ་པོ།། དབྱེར་མེད་གྱུར་ནས་ནུས་སྟོབས་མཉམ།། རང་གཞན་དོན་འབྲས་ཅི་འདོད་པ།། མྱུར་དུ་འགྲུབ་ཕྱིར
115a2 ཤེས་པ་གནད།། ཡི་དམ་སྔགས་ཀྱི་དབྱེ་བ་ཡང་།། སྤྱི་དང་བྱེ་བྲག་རྣམ་མང་ཞིང་།། སྤྱིར་ནི་སྲོག་སྔགས་མཚན་སྔགས་དང་།། དམ་ཚིག་སྔགས་དང་ལས་ཀྱི་སྔགས།། ལས་ལ་འཇུག་པའི་སྔགས་དང་ནི།། ངེས་མེད
115a3 དམོད་སྤེལ་སྨོན་ལམ་སྔགས།། སྲོག་སྔགས་རང་རང་ས་བོན་ལས།། སྒུར་བྱེད་ཡི་གེ་དབྱངས་གསལ་ཅན།། གནད་ལ་དབབ་པར་བྱེད་རྣམས་ཡིན།། དེ་ཡང་ཨཱིཾ་དང་ཧཱུཾ་ཕཊ་ཀྱིས།། ཐེམས་ལ་བཅུག་ནས་བགྲང
115a4 བའོ།། མཚན་སྔགས་དྷེ་ཝ་ཞེས་པའམ།། ལྷ་ཡི་མཚོན་བྱེད་མཚོན་གྱི་གྲངས།། སཾ་སྐྲྀ་ཏ་ཡི་སྐད་ལས་དྲངས།། ཐོག་མཐའ་ཅན་གྱི་ཐེམས་ལ་གཞུག། དམ་ཚིག་སྔགས་ནི་མཚན་སྔགས་མཐར།། ས་མ་ཡ་ཡི་སྒྲ
115a5 ལས་དྲངས།། ལས་སྔགས་དེ་དག་རྣམས་ཀྱི་གཤམ།། ཤཱིནྟཾ་པུཥྚི་ལ་སོགས་པའི།། སོ་སོར་གང་འདོད་ལས་སྔགས་གདགས།། ཡང་ཡང་ཨར་ལ་གཏད་པ་གནད།། ལས་ལ་འཇུག་པར་བྱེད་པ་ལ།། སྔགས་མཐར་བྷྱོ
115a6 དང་རྦད་སོགས་བཏགས།། ཧྲིང་ཧྲིང་དུང་དུང་གནད་ནས་བསྐུལ།། རྒྱུག་རྒྱུག་བྲེང་བྲེང་བཅས་པ་སྟེ།། མཐའ་ཅན་རྫོགས་པ་ལས་འཇུག་སྔགས།། མྱུར་དུ་འགྲུབ་པར་འགྱུར་བ་ཡིན།། ངེས་མེད་དམོད་མོ་སྤེལ་ཚིག
iiif viewer powered by OpenSeadragon
