| e-texts navigator |
| Wylie |
114a1 སྔགས་ཀྱི་ངེས་ཚིག་ནི།། ཐུགས་རྗེ་སྐུལ་བར་བྱེད་པའོ།། ཡི་དམ་སྔགས་ཀྱི་ངེས་ཚིག་ནི།། དངོས་གྲུབ་སྐུལ་བར་བྱེད་པའོ།། མཁའ་འགྲོའི་སྔགས་ཀྱི་ངེས་ཚིག་ནི།། ལས་ལ་བསྔགས་པ་བྱེད
114a2 པའོ།། གང་དང་གང་གི་སྲོག་སྔགས་རྣམས།། བསྙེན་ཅིང་བསྒྲུབ་པ་ཙམ་གྱིས་ནི།། དངོས་སུ་མཐོང་དང་ཆོ་འཕྲུལ་སྟོན།། རྟགས་དང་མཚན་མ་ངོས་བསྟན་ནས།། འདོད་པའི་དོན་གང་འགྲུབ་པས་ན།། བཟླས་པ
114a3 སྔགས་ཀྱི་ངེས་ཚིག་ཡིན།། མིང་དང་སྲོག་གི་ཡི་གེ་དང་།། མཐའ་བསྒྱུར་ལས་ཀྱི་ཡི་གེ་དང་།། ལོག་གནོན་གནད་ཀྱི་ཡི་གེ་རྣམས།། བཟླས་དང་བྲིས་དང་བཅངས་ལ་སོགས།། གང་དང་གང་བྱས་དེ་དང
114a4 དེའི།། ལས་འགྲུབ་སྔགས་ཀྱི་ངེས་པའི་ཚིག། དོན་རབ་དབྱེ་བས་ཤེས་པར་བྱ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་ངེས་ཚིག་བསྟན་པའི་ལེའུ་སྟེ་གསུམ་པའོ།། །
114a5 །། ། སྦྲུལ་སྲས་འདུས་པའི་འཁོར་རྣམས་ཉོན།། བླ་མ་ཡི་དམ་མཁའ་འགྲོ་ཡི།། སྔགས་ཀྱི་དབྱེ་བ་བསྟན་པར་བྱ།། བླ་མའི་མཚན་ནས་འབོད་པ་དང་།། ཐུགས་སྲོག་གནད་ནས་བསྐུལ་བ་དང་།། དམ་ཚིག
114a6 གཉེན་པོ་བསྟེན་པ་དང་།། དགྱེས་པ་སྐོངས་པར་བྱེད་པའི་སྔགས།། བླ་མའི་མཚན་ནས་འབོད་པའི་སྔགས།། སྒྲ་དོན་སྔགས་ཀྱི་འགྱུར་དབུས་སུ།། སཾ་སྐྲྀ་ཏ་ཡི་སྐད་ལས་དྲངས།། གྷུ་རུ་མ་ཧཱ་བོ་དྷི་སོགས།། རང་རང
iiif viewer powered by OpenSeadragon
