| e-texts navigator |
| Wylie |
113b1 གསང་བ་གསུམ།། ཕྱི་ལྟར་སྣང་སྲིད་ལྷ་འདྲེ་རྣམས།། གནད་ནས་བསྐུལ་ཞིང་ལས་ལ་རྦད།། དབང་མེད་བྲན་དུ་བཀོལ་བའི་ཕྱིར།། གནད་འབེབས་དག་ཏུ་བསྔགས་པའོ།། ནང་ལྟར་དྲེགས་པ་སྡེ་བརྒྱད
113b2 རྣམས།། དཔལ་གྱི་ཕོ་ཉ་ལས་མཁན་དུ།། གཉེར་གཏད་གང་དམིགས་གནས་སུ་རྒྱུག། དམ་ལ་གནས་ཕྱིར་སྲོག་ནས་འདྲེན།། དམ་ལ་གནས་ཕྱིར་བསྔགས་པའོ།། གསང་བ་རྣལ་འབྱོར་རང་ཉིད་དང་།། ལྷན་ཅིག
113b3 དག་ཏུ་སྐྱེས་ནས་ཀྱང་།། རྟག་ཏུ་འབྲལ་མེད་འགྲོགས་བྱེད་ཅིང་།། བསྲུང་དང་མགོན་སྐྱབས་བྱེད་པ་དང་།། གནོད་ཅིང་འཚེ་བར་བྱེད་པ་རྣམས།། བསྒྲལ་ཞིང་བཟློག་པའི་མཐུ་དཔུང་ཅན།། དེ་དག་གཡེལ་བར་མི
113b4 བྱེད་ཅིང་།། དམ་ལ་གནས་ནས་བཀའ་བཞིན་བསྒྲུབ།། གཉེར་གཏད་ལས་བྱེད་བྲན་དུ་འགྱུར།། འཛིན་པའི་ལྕགས་ཀྱུ་བྱ་བའི་ཕྱིར།། མིང་དང་སྲོག་ནས་འབོད་ཅིང་བསྒྲུབ།། གཟེར་དུ་གདབ་ཕྱིར་བསྔགས
113b5 པའོ།། མདོར་ན་སྔགས་ཀྱི་ངོ་བོ་ཤེས།། མིང་དང་སྲོག་ནས་དྲངས་བྱས་ཏེ།། དམ་ལ་གནས་པར་བྱེད་པ་དང་།། རང་རང་གཉེན་པོར་རབ་བསྔགས་པའོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན
113b6 ཆེན་འབྲུག་སྒྲ་ལས། སྔགས་ཀྱི་ངོ་བོ་བསྟན་པའི་ལེའུ་སྟེ་གཉིས་པའོ།། སྠི།། ། གཟུགས་སྒྲ་ལ་སོགས་འདུས་པའི་འཁོར།། བླ་མ་ཡི་དམ་མཁའ་འགྲོ་ཡི།། སྔགས་ཀྱི་ངེས་ཚིག་བསྟན་གྱིས་ཉོན།། བླ་མའི
iiif viewer powered by OpenSeadragon
