| e-texts navigator |
| Wylie |
113a1 ཀློང་།། ཡེངས་འཁྲུལ་བྲལ་བར་བསྔགས་པའོ།། ཁྲོ་བོ་རྔམ་བྱེད་རབ་གཏུམ་པ།། རྡོ་རྗེ་འབར་བ་མ་རུངས་འཇོམས།། འདི་བསྒྲུབ་འབྱུང་པོ་ལ་སོགས་པ།། མ་རུངས་པ་རྣམས་སྐྲག་ཅིང་བྱེར།། ངོ་བོ
113a2 རྩུབ་ཁྲོ་གཏུམ་པ་སྟེ།། གནོད་བྱེད་དགྲ་བགེགས་གཉེན་པོར་བསྔགས།། ཞི་ཁྲོ་ལས་རྣམས་ཡོངས་ཀྱི་བདག། ཞི་བར་འདོད་པ་ཞི་བ་དང་།། དེ་བཞིན་ཁྲོ་བར་འདོད་ལ་ཁྲོ།། གང་ཡང་རྒྱས་པར་བྱེད་པ་དང་།། དབང
113a3 མཛད་དབང་གི་རྒྱལ་པོ་སྟེ།། དྲག་པོ་རབ་ཏུ་དྲག་པར་བྱེད།། ངོ་བོ་གང་ལའང་འཇུག་པ་སྟེ།། སྣ་ཚོགས་ལས་ལ་བསྔགས་པའོ།། དེ་ལྟར་ཞི་དང་ཁྲོ་ལ་སོགས།། ཡི་དམ་ལྷ་ཡི་ས་བོན་དང་།། སྙིང་པོ་སྔགས་སུ་འབྱུང
113a4 བའི་ཕྱིར།། སྔགས་ཀྱི་ངོ་བོ་ཡང་དག་བརྗོད།། མཁའ་འགྲོའི་སྔགས་ཀྱི་ངོ་བོ་ནི།། སྲོག་གནད་གནད་ནས་བསྐུལ་ནས་ཀྱང་།། ཕྲིན་ལས་དམིགས་སུ་བསྐུལ་བྱེད་ཏེ།། བཀའ་ཉན་གུས་ཕྱིར་བསྔགས་པའོ།། ལས
113a5 བྱེད་ཕོ་ཉ་བྲན་གྱི་ཚུལ།། གང་དང་གང་ལ་འཇུག་བྱེད་པ།། དེ་དང་དེ་ཡི་ལས་ལ་བསྔགས།། དྲེགས་པ་གཏུམ་དང་དྲེགས་བྱེད་རྔམ།། གང་ཡང་མཁའ་འགྲོ་ཤུགས་ཀྱིས་འགྲོ།། སྲོག་ཡིག་གནད་ནས་བོས་པའི
113a6 ཚེ།། དབང་ཚིག་དབང་གིས་དབང་མེད་དུ།། དེ་ཕྱིར་དགུག་དང་འཁྲིལ་བ་དང་།། འདུ་འབྲལ་མེད་པར་འགྲོགས་པ་དང་།། བཀའ་ཉན་ལས་ལ་བསྔགས་པའོ།། འཇིག་རྟེན་ལྷ་སྔགས་ངོ་བོ་ལ།། ཕྱི་དང་ནང་དང
iiif viewer powered by OpenSeadragon
