| e-texts navigator |
| Wylie |
112b1 དང་ཐུན་མོང་ལ་སོགས་པའི།། ཇི་ལྟར་ཡིད་ལ་འདོད་པ་རྣམས།། འགྲུབ་འགྱུར་འདི་ལ་ཐེ་ཚོམ་མེད།། འཇིག་རྟེན་འདས་པའི་ལོངས་སྤྱོད་ཀུན།། སྔགས་ལ་བརྩོན་པས་འགྲུབ་གྱུར་ན།། འཇིག་རྟེན་ལོངས་སྤྱོད་སྨོས
112b2 ཅི་དགོས།། དེས་ན་སྣང་སྲིད་འཁོར་འདས་ཀྱི།། ཆོ་འཕྲུལ་ནུས་སྟོབས་སྔགས་ཀྱིས་བྱེད།། སྔགས་ཀྱི་ནུས་སྟོབས་བསམ་མཐའ་ཡས།། དེ་ཕྱིར་སྔགས་པས་སྔགས་ལ་བརྩོན།། བླ་མ་ཡི་དམ་མཁའ་འགྲོ་ཐམས་ཅད
112b3 ཀྱི་གསུང་རྒྱུད་རིན་ཆེན་འབྲུག་སྒྲ་ལས། གླེང་གཞིའི་ལེའུ་སྟེ་དང་པོའོ།། སྠི།། ། རང་བྱུང་སྤྲུལ་པའི་འཁོར་རྣམས་ཉོན།། ཡེ་ཤེས་ལྷ་རྣམས་བསྒྲུབ་པ་ལ།། སྙིང་པོ་སྔགས་ཀྱི་ངོ་བོ་བསྟན།། ཡེངས་འཁྲུལ་མེད
112b4 པར་ཡིད་ཀྱིས་ཟུང་།། ཡེ་ཤེས་ལྷ་སྔགས་ངོ་བོ་དང་།། འཇིག་རྟེན་ལྷ་སྔགས་ངོ་བོ་སྟེ།། ཡེ་ཤེས་ལྷ་སྔགས་ལ་ཡང་གསུམ།། བླ་མ་ཡི་དམ་མཁའ་འགྲོ་སྟེ།། བླ་མ་བླ་ན་གཉེན་པོའི་གཙོ།། སྤྱི་ཕུད་དཀོན་མཆོག་རིན
112b5 ཆེན་པས།། ཡོངས་ཀྱི་ཐོག་མར་བྱུང་བས་གཅེས།། དེ་དག་སྔགས་ཀྱི་ངོ་བོ་ནི།། གདུང་བས་གསོལ་བ་བཏབ་པའི་དོན།། བརྗོད་པ་སྔགས་སུ་བྱུང་བ་སྟེ།། ངོ་བོ་གཡེལ་བ་མི་མངའ་བར།། རྗེས་སུ་འཛིན་པ་བྱེད
112b6 པའོ།། ཡི་དམ་ཞི་བ་ཁྲོ་བོ་དང་།། ཞི་མ་ཁྲོ་དང་རྣམ་པ་གསུམ།། ཞི་བ་གཡོ་མེད་ཏིང་འཛིན་ནི། ཁྱབ་གདལ་ཆེན་པོ་ཀུན་ལ་སྤྲོ།། འདི་བསྒྲུབ་ཚངས་པའི་གནས་གཞིར་འགྱུར།། ངོ་བོ་འགྱུར་མེད་དགོངས་པའི
iiif viewer powered by OpenSeadragon
