| e-texts navigator |
| Wylie |
112a1 །། དབང་པོ་བཀྲམ་ནས་ཀྱང་།། བདག་ཅག་ཡིད་ཀྱི་འདོད་པ་རྣམས།། དུས་འདིར་སྐོང་བར་མཛད་དུ་གསོལ།། ཨེ་མ་འདུས་པའི་འཁོར་རྣམས་ཉོན།། དད་དང་དམ་ཚིག་ལྡན་པ་ཡིས།། མཆོག་དོན་བསྒྲུབ
112a2 འདོད་རྣལ་འབྱོར་པས།། ཡེ་ཤེས་ལྷ་དང་དབྱེར་མེད་དུ།། བསྲེ་བར་འདོད་ན་སྔགས་ལ་བརྩོན།། སྔགས་པས་སྔགས་ལ་མི་བརྩོན་པ།། སེམས་ཀྱི་རེ་བ་སྐོང་མི་འགྱུར།། གང་གིས་སྔགས་ལ་བརྩོན་བྱེད་ན།། སྔགས
112a3 ཀྱི་ངོ་བོ་ངོས་ཟིན་གཅེས།། དེ་བཞིན་སྔགས་ཀྱི་ངེས་ཚིག་ཀྱང་།། གནད་དུ་ཆེ་བས་ཤེས་པ་གཅེས།། སྔགས་ཀྱི་དབྱེ་བ་མ་ཤེས་ན།། རང་གིས་རང་ཉིད་འཆིང་བར་འགྱུར།། རྣམ་གྲངས་མ་ཤེས་སྔགས་ཟློ་བ།། མུན
112a4 ནག་འཐོམ་འགྲོས་བྱེད་དང་མཚུངས།། སྔགས་དངོས་ངོ་ཡིས་མ་ཟིན་ན།། སོལ་བ་གསེར་དུ་བསྒྲུབ་དང་མཚུངས།། སྔགས་ཀྱི་བགྲང་ཚུལ་མ་ཤེས་ན།། མཚོན་མེད་གཡུལ་དུ་ཞུགས་དང་མཚུངས།། བསྙེན་ཚད
112a5 གཏན་ལ་མ་ཕེབས་ན།། ནད་ངོས་མ་ཟིན་སྨན་པ་འདྲ།། སྔགས་ཟློས་དྲོད་རྟགས་མ་ཤེས་ན།། ཚོད་མེད་མདའ་རྒྱང་འཕེན་པ་འདྲ།། སྔགས་ཀྱི་སྐྱོན་ཡོན་མ་ཤེས་ན།། དུག་དང་འདྲེས་པའི་ཁ་ཟས་འདྲ།། སྔགས་ཀྱི
112a6 བསྒྲུབ་ཚུལ་མ་ཤེས་ན།། ལོང་བས་ལོང་བ་ཁྲིད་བྱེད་འདྲ།། དེས་ན་དེ་དག་རིམ་པ་རྣམས།། ཤེས་པར་གྱུར་པའི་སྔགས་པ་ཡིས།། ལྷ་བསྒྲུབ་བསྔགས་ལ་འབད་པ་ན།། སྟོབས་དང་ནུས་པ་བསམ་མི་ཁྱབ།། མཆོག
iiif viewer powered by OpenSeadragon
