| e-texts navigator |
| Wylie |
111b1 དུ། གྷུ་རུ་དྷེ་ཝ་ཌཱཀྐི་ནི་སརྦ་ཝཱ་ཀ་ཏནྟ་རཏྣ་གཎྜཱི་ཏ་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ཞེས་བྱ་བ། བཅོམ་ལྡན་འདས་ཆོས་གསུང་སྨྲ་བའི་དབང་པོ་གཟི་བརྗིད
111b2 རྒྱལ་པོ་མཐའ་ཡས་པའི་དཔལ་ལ་ཕྱག་འཚལ་ལོ།། རྣམ་པར་རྒྱན་བཀོད་མཛེས་པ་ཡི།། ཕོ་བྲང་གཞལ་ཡས་བརྩེགས་པ་ན།། མཛེས་བྱེད་རྨ་བྱའི་ཁྲི་སྟེང་དུ།། སྟོན་པ་དཔག་མེད་རྒྱལ་པོ་དང་།། དཔའ་བོ་བདེ་སྦྱོར
111b3 མཉམ་བཞུགས་ནས།། དགོངས་པ་ཆེན་པོ་བཞུགས་པའི་ཚེ།། ཉིད་ཀྱི་སྤྲུལ་པ་ལས་བྱུང་བའི།། བདེ་བར་རོལ་པའི་འཁོར་རྣམས་ཀྱིས།། སྙན་པའི་དབྱངས་ཀྱིས་འདི་སྐད་ཞུས།། ཨེ་མ་སྟོན་པ་བཅོམ་ལྡན
111b4 འདས།། མི་མཉམ་པ་དང་མཉམ་པ་དང་།། ཡང་དག་ལྗགས་ཀྱི་པདྨ་ལས།། མཉམ་དབྱངས་ཆེན་པོའི་དཔལ་མངའ་བའི།། གཡང་ས་ཆེན་པོ་གཅོད་མཛད་ཅིང་།། སྔགས་ཀྱི་སྤྲིན་ཆར་འབེབས་པ་པོ།། བརྩེ
111b5 བའི་ཐུགས་ཀྱིས་འདིར་དགོངས་ཤིག། ཡེ་ཤེས་དབྱིངས་ཀྱི་ལྷ་རྣམས་ཀུན།། ཉེ་བར་བསྒྲུབ་པར་བྱེད་པ་ལ།། སྙིང་པོ་སྔགས་ཀྱི་བཟླས་བརྗོད་རྣམས།། ངེས་པའི་དོན་དུ་སྩལ་དུ་གསོལ།། དེ་ཡང་སྔགས་ཀྱི་ངོ་བོ
111b6 དང་།། ངེས་ཚིག་དབྱེ་བ་རྣམ་གྲངས་དང་།། སྔགས་དངོས་བགྲང་ཚུལ་བསྙེན་པའི་ཚད།། དྲོད་རྟགས་དང་ནི་བཟླས་པའི་ཚེ།། དག་དང་མ་དག་སྐྱོན་ཡོན་དང་།། སྔགས་ཀྱི་བསྒྲུབ་ཚུལ་རིམ་པ་རྣམས།། ལྗགས་ཀྱི
iiif viewer powered by OpenSeadragon
