| e-texts navigator |
| Wylie |
110b1 ཕྱིར།། ཡེ་ཤེས་བླ་མའི་ངོ་བོར་བསྟན།། དགོས་འདོད་རེ་བ་བསྐང་བའི་ཕྱིར།། ཡི་དམ་ཞི་དང་ཁྲོ་བོར་བསྟན།། ཕྲིན་ལས་དམིགས་སུ་བསྒྱུར་བའི་ཕྱིར།། མཁའ་འགྲོ་རོལ་པ་ཆེན་པོར་བསྟན།། རྒྱུ་རྐྱེན་རྟེན་འབྲེལ
110b2 ཕུན་ཚོགས་ཕྱིར།། དེ་ལྟར་འཕྲོ་འདུ་སྣ་ཚོགས་བསྟན།། རྩ་རླུང་ཐིག་ལེའི་ངོ་བོ་ཡང་།། གཞལ་ཡས་ལྷ་དང་བཅས་པ་བསྟན།། ཕུང་པོ་ཁམས་དང་སྐྱེ་མཆེད་རྣམས།། རང་བྱུང་ཡེ་ཤེས་ལྷ་ཡི་དང་།། ཡེ་ཤེས་རབ
110b3 རྫོགས་སྐུ་ལྔའི་ཞིང་།། སྤྲོས་བྲལ་ལྷུན་གྲུབ་ཕྱག་རྒྱའི་ཞིང་།། གཞི་སྣང་དག་པ་ཆོས་ཀྱི་དབྱིངས།། ལྷག་མེད་ཉིད་དུ་མྱ་ངན་འདས།། སྒྲ་དང་འོད་དུ་བཅས་ནས་ཀྱང་།། སྐུ་གསུམ་ཞིང་དུ་མངོན་དུ་འབྱུང་།། གདུལ་བྱ
110b4 རྣམས་ལ་ལྷག་མར་བཅས།། སྐུ་གདུང་རིང་བསྲེལ་བཞག་ནས་ཀྱང་།། གཞན་ཕན་ཐབས་ཀྱིས་འགྲོ་བ་རྣམས།། རིམ་གྱིས་འདྲེན་པར་དེས་བྱེད་དོ།། ཡང་མཐའ་བར་དོ་ཉིད་དུ་ཡང་།། རང་སྣང་ཡེ་ཤེས་ལྷ་དང
110b5 ཕྲད།། རང་ངོ་ཤེས་ནས་རྣམ་པར་གྲོལ།། དེ་ཡང་རྒྱུ་འབྲས་དེ་ཡིས་ཡིན།། སྤྲུལ་པ་ལས་ཀྱང་སྤྲུལ་པའི་སྐུ།། སྐྲ་དང་མཚན་དཔེས་རབ་སྨྲས་ཤིང་།། ལས་དག་ཞིང་ལ་རབ་སྣང་བས།། བྱང་ཆུབ་མངོན་དུ་དེ་འགྱུར
110b6 ཞིང་།། དེ་སོགས་དཔལ་དང་ཡང་དག་ལྡན།། སྤྱི་ཕུད་ཉིད་དུ་སྣང་བར་བྱེད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་བསྒྲུབ་པའི་རྒྱུ་མཚན་གྱི་རིམ་པ་བསྟན་པའི་ལེའུ་སྟེ
iiif viewer powered by OpenSeadragon
