| e-texts navigator |
| Wylie |
110a1 སྠི།། ། གཟུགས་ཀྱི་རྡོ་རྗེ་ལ་སོགས་ཉོན།། དམ་ཚིག་ཡེ་ཤེས་སེམས་དཔའ་གཉིས།། དབང་བསྐུར་རྒྱ་ཡིས་འདི་ལྟར་གདབ།། རྣམ་སྣང་མི་བསྐྱོད་འོད་དཔག་མེད།། རིན་འབྱུང་དོན་ཡོད་གྲུབ་པ
110a2 སྟེ།། རིགས་རྣམས་ཀུན་གྱི་གཙོ་བོ་མཆོག། སངས་རྒྱས་མངའ་བདག་རིགས་ཀྱི་ལྷ།། ཇི་ལྟར་སྣང་བའི་རིགས་རྣམས་ལ།། རྒྱལ་ཐབས་སྤྱི་བླུག་རང་དབང་བསྐུར།། དག་པ་གསུམ་གྱིས་རྒྱས་བཏབ་པས།། འབྲས་བུ
110a3 སྐུ་ལྔ་ཡེ་ཤེས་ལྔ།། ཕུང་ཁམས་སྐྱེ་མཆེད་གནས་དག་ནས།། རང་རང་རིགས་ཀྱིས་དབུ་བརྒྱན་ནས།། རིགས་བདག་བདག་པོ་ཉིད་ཀྱིས་མཚན།། འོད་དཔག་མེད་སོགས་དེ་བཞིན་གཤེགས།། དབང་བསྐུར་རྒྱས
110a4 གདབ་མཚོན་པའོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་དང་རོལ་པ་གཅིག་པའི་དབྱིངས་སུ་དབང་བསྐུར་རྒྱས་གདབ་ཚུལ་བསྟན་པའི་ལེའུ་སྟེ་ཉེར་བརྒྱད་པའོ།། །
110a5 སྤྱི།། ། རང་བྱུང་སྤྲུལ་པའི་འཁོར་རྣམས་ཉོན།། དེ་ལྟར་བསྟན་པའི་ལྷ་རྣམས་ཀྱི།། རྒྱུ་མཚན་རྣམ་གྲངས་དཔག་མེད་ཀྱང་།། གཅིག་ཏུ་དྲིལ་ནས་དོན་སྟོན་པ།། སྣོད་ཀྱི་འཇིག་རྟེན་ལ་སོགས་པ།། སྒྱུ་མའི་ལུས་ཉིད
110a6 གནས་དག་ཕྱིར།། བཞུགས་གནས་ཕོ་བྲང་གཞལ་ཡས་བསྟན།། བཅུད་ཀྱི་སེམས་ཅན་གནས་དག་ཅིང་།། སེམས་ཉིད་ལྷ་རུ་གནས་གྱུར་པས།། ཡེ་ཤེས་ལྷ་ཡི་རྣམ་པར་བསྟན།། གདུལ་བྱ་སྨིན་གྲོལ་ལམ་བགྲོད
iiif viewer powered by OpenSeadragon
