| e-texts navigator |
| Wylie |
109b1 སྐྱེས་ཁྲོ་སྐུར་བཞེངས།། རོལ་པའི་ཡེ་ཤེས་ཞི་མ་ཁྲོ།། དེ་དག་གདོད་ནས་ལྷུན་གྱིས་གྲུབ།། བྱས་བཅོས་བྱུང་བ་དེ་མ་ཡིན།། ཡེ་ནས་ཤེས་རིག་རྒྱལ་པོར་སྣང་།། དེ་ཕྱིར་ཡེ་ཤེས་སེམས་དཔའོ།། བླ་མ་ཡི་དམ་མཁའ
109b2 འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ལྷ་ཡེ་ཤེས་སེམས་དཔའི་བཞུགས་ཚུལ་བསྟན་པའི་ལེའུ་སྟེ་ཉེར་དྲུག་པའོ།། སྠི།། ། རང་གྲོལ་འདུས་པའི་འཁོར་རྣམས་ཉོན།། དམ་ཚིག་པ་དང་ཡེ་ཤེས
109b3 པ།། ལྷ་གཉིས་དབྱེར་མེད་བསྲེ་བའི་ཚུལ།། ཆུ་ལ་ཆུ་བཞག་ཅི་བཞིན་དུ།། དེ་བཞིན་ཉིད་ལ་འོད་ཀྱི་ཚུལ།། ཕན་ཚུན་ཐ་དད་མ་ཡིན་པར།། དབྱེར་མེད་དུ་མ་རོ་གཅིག་ཉིད།། ཡིན་པར་ཤེས་ཤིང་ཡིན་ཚུལ་དུ།། རྣལ
109b4 འབྱོར་རྒྱལ་པོ་རྣམས་ཀྱིས་བལྟ།། བསྲེ་བྱ་སྲེ་བྱེད་མེད་པ་དང་།། གཞག་བྱ་འཇོག་བྱེད་མེད་པ་སྟེ།། འོན་ཀྱང་གནས་སྐབས་ཡུལ་དོན་དུ།། བསྐྱེད་པའི་དམ་ཚིག་སེམས་དཔའ་ལ།། དབྱིངས་ནས་ཡེ་ཤེས་སེམས
109b5 དཔའ་བཀུག། ཆུ་ལ་ཆུ་ཐིམ་ལྟ་བུར་བསྲེ།། དེ་བསྲེས་དང་བསྒོམ་ལྷུག་པར་བཞག། འདི་ཀུན་ཐབས་ཀྱི་ཡན་ལག་སྟེ།། གདུལ་བྱ་འགྲོ་བ་འདྲེན་ཕྱིར་སྤྲོ།། ཀུན་ཀྱང་ཡང་དག་དགོངས་དོན་སྤྱོད།། ཆོ་གའི་ཡན་ལག
109b6 ཇི་བཞིན་པ།། སྤྲུལ་པ་རྣམས་ཀྱིས་སྤྲོ་བར་གྱིས།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ལྷ་དམ་ཚིག་པ་དང་ཡེ་ཤེས་པ་བསྲེ་བའི་ཚུལ་བསྟན་པའི་ལེའུ་སྟེ་ཉེར་བདུན་པའོ།། །
iiif viewer powered by OpenSeadragon
