| e-texts navigator |
| Wylie |
109a1 ཤེལ་གྱི་རི་བོ་ལས། མདུན་བསྐྱེད་ཡེ་ཤེས་ཀྱི་ལྷ་བསྒོམ་པའི་ཚུལ་བསྟན་པའི་ལེའུ་སྟེ་ཉེར་བཞི་པའོ།། སྠི།། ། རང་བྱུང་སེམས་དཔའི་འཁོར་རྣམས་ཉོན།། དམ་ཚིག་སེམས་དཔའི་ངོ་བོ
109a2 ནི།། མོས་བསྒྱུར་བློ་ཡིས་བསྐྱེད་པ་སྟེ།། རྐང་གྲངས་མཚན་དང་བཅས་པ་སྟེ།། གཙོ་བོ་ཉིད་དང་དེ་ཡི་ཡུམ།། འཁོར་དང་དེ་ཡི་ཡང་འཁོར་དང་།། སོ་སོར་ཚོམ་བུར་བཅས་ནས་ནི།། ཚོམ་བུ་དགུ་རུ་རྣམ་པར
109a3 ངེས།། སྤྱི་བོ་ལ་སོགས་གནས་རྣམས་སུ།། ཨཽ་སོགས་ཡི་གེའི་འབྲུ་རྣམས་བཀྲམ།། སྔོན་གྱི་རྗེས་བཟུང་ཐ་ཚིག་ལྟར།། དམ་ཚིག་དབང་གིས་བསྐྱེད་རྣམས་སོ།། རང་ལས་བྱུང་ཞིང་རང་ཉིད་དང་།། དམ་ཚིག་གཅིག་ཏུ
109a4 གནས་པའི་ཕྱིར།། དམ་ཚིག་སེམས་དཔའ་ཞེས་བྱའོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ལྷ་དམ་ཚིག་པ་བསྐྱེད་པར་བསྟན་པའི་ལེའུ་སྟེ་ཉེར་ལྔ་པའོ།། སྠི།། ། རང་ཤར
109a5 སྤྲུལ་པའི་འཁོར་རྣམས་ཉོན།། ཡེ་ཤེས་སེམས་དཔའ་ཞེས་བྱ་བ།། གདོད་ནས་དག་པ་ཆོས་ཀྱི་སྐུ།། རང་བྱུང་རང་གསལ་ལོངས་སྤྱོད་རྫོགས།། ཤར་གྲོལ་སྦྲུལ་སྐུ་འགྲོ་བ་འདུལ།། རང་བབས་བྱིན་རླབས་བླ་མ
109a6 མཆོག། དངོས་གྲུབ་གཤིས་སྟེར་ཡི་དམ་ལྷ།། ཕྲིན་ལས་རྨད་བྱུང་མཁའ་འགྲོའི་ཚོགས།། སྣང་བའི་རང་བཞིན་ཡབ་ཀྱི་ཆ།། སྟོང་པའི་བདག་ཉིད་ཡུམ་མཆོག་སྟེ།། མཉམ་པར་གནས་པ་ཞི་བའི་སྐུ།། ཧུར་བྱུང་ཐོལ
iiif viewer powered by OpenSeadragon
