| e-texts navigator |
| Wylie |
108a1 སྐུ་རྒུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་དེ་ཁོ་ན་ཉིད་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་ཉེར་གཅིག་པའོ།། སྠི།། ། དབང་པོ་སེམས་དཔའི་འཁོར་རྣམས་ཅན།། ལྷ་མཆོད་ཐུགས་དམ
108a2 བསྐང་བ་ནི།། ཕྱི་ལྟར་ཐུན་མོང་རྫས་ཀྱིས་མཆོད།། ནང་ལྟར་དབང་པོ་རྣམ་ལྔས་མཆོད།། གསང་བ་རྟོག་ཚོགས་རིག་པས་མཆོད།། དེ་ཉིད་སྤྲོས་བྲལ་དགོངས་པས་མཆོད།། བདེ་སྟོང་རོ་མཉམ་དབྱིངས་སུ
108a3 བསྐང་།། སྣང་སྲིད་གཞིར་བཞེངས་ཆེན་པོའི་ཀློང་།། བླང་དོར་བྲལ་ན་ཐུགས་དམ་བསྐང་།། བསྐང་བྱ་སྐོང་བྱེད་བསྐང་བའི་ཡུལ།། མཉམ་ཉིད་རོལ་པ་ཆེན་པོར་བསྐང་།། དེ་ལྟར་ཐུགས་དམ་བསྐངས་པ
108a4 ཡིས།། འབྲས་བུ་མཆོག་དང་ཐུན་མོང་ཀུན།། ཡེ་ཤེས་ལྷ་དགྱེས་རྩོལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་མཆོད་ཅིང་ཐུགས་དམ་སྐོང་བའི་རིམ་པ་བསྟན
108a5 པའི་ལེའུ་སྟེ་ཉེར་གཉིས་པའོ།། སྠི།། ། རང་བྱུང་སྤྲུལ་པའི་འཁོར་རྣམས་ཀུན།། བདག་ཉིད་ལྷ་བསྒོམ་འདི་ལྟ་སྟེ།། གཞི་གནས་ཡེ་ཤེས་དབང་པོ་ཡི།། སྟེང་འོག་ཕྱོགས་བཅུར་མི་བལྟ་ཞིང་།། ནང་དུ་བཀུག
108a6 པས་ཨར་ལ་གཏད།། ཕུང་པོ་ཁམས་དང་སྐྱེ་མཆེད་ཀུན།། ཡེ་ཤེས་ལྷ་ཡི་རོལ་པ་སྟེ།། མ་སྐྱེས་རང་གསལ་ལམ་མེ་བ།། ཐུགས་རྗེ་ཞལ་ཕྱག་རྒྱན་དང་བཅས།། རང་བབས་ལྷུག་པར་བཞག་པ་ལ།། དད་པའི་དབང
iiif viewer powered by OpenSeadragon
