| e-texts navigator |
| Wylie |
107b1 འཕྲོ་འདུའི་ལས་སྦྱོར་བརྩམ།། གང་ལ་དམིགས་པ་གནས་སུ་སྦྱོར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་ནང་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་བཅུ་དགུ་པའོ།། །
107b2 སྠི།། ། འདུས་ཤིང་ཚོགས་པའི་འཁོར་རྣམས་ཉོན།། གསང་བ་ལྟར་དུ་ལྷ་བསྒྲུབ་པ།། ཐབས་ཀྱི་རིམ་པ་འདི་ལྟ་སྟེ།། ཡེ་གདངས་ཆེན་པོའི་དཀྱིལ་འཁོར་དུ།། རབ་གསལ་འོད་ཀྱི་ལྷ་བཀྲམ་ཞིང་།། སྐྱེ་མེད་རྡོ་རྗེའི
107b3 བཟླས་པ་བྱ།། ཆུ་བོ་རྒྱུན་གྱི་རྣལ་འབྱོར་ལ།། གཡོ་བ་མེད་པར་བསྒྲུབ་པ་ཡིས།། བདག་གིས་བདག་ཉིད་གཏན་ལ་ཕབ།། འཕོ་འགྱུར་མེད་ན་གྲུབ་པ་སྟེ།། གང་ཤར་རོལ་པའི་ལས་སྦྱོར་བྱ།། སྣང་སྲིད་གཞིར
107b4 བཞེངས་ཆེན་པོར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་གསང་བ་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་ཉི་ཤུ་པའོ།། སྠི།། ། སེམས་དཔའི་འཁོར
107b5 རྣམས་མ་ཡེངས་ཉོན།། དེ་བཞིན་ཉིད་ལྟར་ལྷ་བསྒྲུབ་པའི།། མན་ངག་ཐབས་ཀྱི་རྒྱལ་པོ་བསྟན།། རང་སྣང་དག་པའི་དཀྱིལ་འཁོར་དུ།། རྩོལ་བྲལ་ཆེན་པོའི་ལྷ་བཀོད་དེ།། འབྱུང་འཇུག་རླུང་གི་བཟླས་པ
107b6 འབད།། ཤུགས་འབྱུང་རང་བབས་བསྒྲུབ་པ་བརྩོན།། འཁྲུལ་པ་དག་ནས་ལྷ་འགྲུབ་པས།། བླང་དོར་བྲལ་བའི་ལས་སྦྱོར་བྱ།། འཁོར་འདས་གཉིས་མེད་རོ་གཅིག་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི
iiif viewer powered by OpenSeadragon
