| e-texts navigator |
| Wylie |
106b1 རིགས།། རབ་འབྲིང་ཐ་མའི་ཚུལ་དུ་སྟེ།། ཡང་མཐའ་ཉིད་ལས་གཞན་པ་ཡི།། རྩལ་ཆེན་འགྲུབ་པར་མི་འགྱུར་རོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་བསྒྲུབས་པས
106b2 གྲུབ་པའི་ཡོན་ཏན་དང་འབྲས་བུ་བསྟན་པའི་ལེའུ་སྟེ་བཅུ་དྲུག་པའོ།། སྠི།། ། ཡང་འདུས་སྤྲུལ་པའི་འཁོར་རྣམས་ཉོན།། ལྷ་མ་བསྒྲུབས་པའི་ཉེས་པ་ནི།། མཆོག་དོན་ཡེ་ཤེས་ལྟ་ཅི་སྨོས།། གནས་སྐབས
106b3 ལམ་གྱི་འཆར་ཚུལ་ཡང་།། འདི་ཉིད་བྲལ་བར་འགྲུབ་མི་སྲིད།། ཐབས་དང་བྲལ་བའི་འདྲེ་བསྒོམ་ནི།། འདབ་གཤོག་ཆག་པའི་མཁའ་ལྡིང་བཞིན།། དམིགས་པའི་གནས་སུ་སྐྱོལ་མི་ནུས།། ཕྱི་ནང་སྣོད་བཅུད་ཕུང
106b4 པོ་ཀུན།། ཕུང་པོ་ཉིད་དུ་གྱུར་ནས་ཀྱང་།། འདོད་ཆགས་ལ་སོགས་ལས་ལ་སྤྱོད།། འཁྲུལ་ཞིང་འཁོར་ནས་འཁོར་བར་འཁོར།། འབྲས་བུ་ལྷ་མིའི་ཉེ་ལམ་ཙམ།། སྨོན་པའི་དབང་དུ་གྱུར་ནས་ཀྱང་།། དོན་གྱི་སྨོན་པ
106b5 མ་ཡིན་ནོ།། ལས་ཀྱི་རྟོག་སྒྲིབ་འཐས་པའི་མཐུས།། ཟུག་རྔུ་དང་བཅས་ཡང་ཡང་མྱོང་།། སྐྱེ་ཤི་ལ་སོགས་རྦ་རླབས་རྣམས།། དྲག་ཏུ་གཡོ་ཞིང་འཁོར་བར་འཁོར།། ལས་ཀྱི་ཁུང་ནས་དེ་མི་ཐོན།། ལྷ་དང་སྔགས་ཀྱིས
106b6 མ་ཟིན་པའི།། སྐྱེས་བུ་ཡང་དག་སྐྱེས་བུ་ནི།། ལས་ཀྱི་ཞགས་པས་དམ་བཅིངས་ནས།། ལས་ཀྱི་ཁ་བརྒྱུད་ཡང་དང་ཡང་།། འཁྲུལ་པའི་ལུ་གུ་རྒྱུད་དུ་འཁོར།། ཉེས་ལས་རྣམ་པར་གྲོལ་མིན་ཅིང་།། གདན་ལས
iiif viewer powered by OpenSeadragon
