| e-texts navigator |
| Wylie |
106a1 བྲལ།། གཟུགས་སྐུ་རྣམ་པ་གཉིས་གྱུར་པའི།། གཞན་དོན་མ་བརྩོན་ལྷུན་གྱིས་གྲུབ།། ངག་ཀྱང་ཡང་དག་སྔགས་ཀྱི་སྒྲ།། འཁྲུལ་པའི་གཏམ་ཟུངས་ཟད་ནས་ཀྱང་།། བླ་མེད་ཆོས་ཀྱི་སྒྲ་སྒྲོགས
106a2 ཤིང་།། མི་སྙན་བྲལ་ནས་ཀུན་ཏུ་ཡང་།། སྙན་ཅིང་དོན་མཐུན་ཡང་དག་ལྡན།། དགྲ་ཡི་དབང་པོ་ཆོས་ཀྱི་དབྱངས།། འབྲེལ་དང་བཅས་པ་རབ་སྒྲོགས་ཤིང་།། ཀུན་ཏུ་ཡང་དག་གོ་འབྱེད་པའོ།། དམྱལ་དང་ཡི་དྭགས
106a3 དུད་འགྲོ་དང་།། མི་དང་ལྷ་མིན་ལྷར་གྱུར་པའི།། སོ་སོའི་སྐད་དུ་འདི་ངེས་ནས།། ཆོས་ཀྱིས་རྣམ་པར་གྲོལ་བྱེད་པ།། འདི་ཉིད་ལས་ནི་ཡང་དག་འབྱུང་།། གནས་སྐབས་མཐར་ཐུག་དོན་འབྲས་བརྙེས།། ཡིད་ཀྱང་དེ
106a4 བཞིན་འཁྲུལ་སངས་ནས།། མཁྱེན་དང་བརྩེ་བའི་རང་བཞིན་གྱིས།། གཡོ་བ་མེད་པའི་འགྲོ་དོན་སྤྱོད།། གཅིག་ལ་ངེས་གཏད་མི་མངའ་ཞིང་།། མཁའ་ལྟར་ཡོངས་ལ་ཁྱབ་པ་ཡིས།། གང་དང་གང་ལ་དེ་དང
106a5 དེར།། དགོངས་པས་ཡོངས་ཁྱབ་སྨིན་པ་དང་།། གྲོལ་བ་ཉིད་དུ་ཡང་དག་ངེས།། བླ་མ་ལྷ་དང་མཁའ་འགྲོ་ཡི།། ནུས་པའི་སྟོབས་གང་འདིར་འདུས་བྱེད།། མདོར་ན་ལུས་ངག་ཡིད་གསུམ་པོ།། སྐུ་གསུམ་དཀྱིལ
106a6 འཁོར་ཉིད་གྱུར་པས།། སྐུ་གསུམ་ཞིང་དུ་སྦྱོར་བར་བྱེད།། སྐུ་གསུམ་ཡེ་ཤེས་ལྔ་ལྡན་པའི།། བགྲོད་པ་གཅིག་པའི་ལམ་ཆེན་ཞུགས།། ཕྱིར་མི་ལྡོག་པའི་ཡེ་ཤེས་བརྙེས།། དེ་སོགས་ཡོན་ཏན་འབྲས་བུའི
iiif viewer powered by OpenSeadragon
