| e-texts navigator |
| Wylie |
105b1 ཕྲན་བཅས་པ་ཡང་།། བསམ་འཕེལ་ཡང་དག་དོན་ལ་རེག། ཕ་རོལ་དམན་པར་གྱུར་རྣམས་ཀྱང་།། སྐད་ཅིག་ཏུ་ནི་བདག་ཉིད་དང་།། ལྷན་ཅིག་འབྲས་བུ་བརྙེས་པ་ཡིན།། ཡང་དག་བསམ་དོན་གང་ཡིན།
105b2 རྣམས།། འདི་ཡིས་སྦྱོར་རོ་འདུས་པའི་འཁོར།། རྣམ་རོལ་ཡིད་གཉིས་བྲལ་བ་ཡི།། ངེས་པ་ཅན་དུའང་འདི་འགྱུར་རོ།། ཡ་ངའི་གནས་རྣམས་རྒྱབ་ཀྱིས་ཕྱོགས།། གནས་སྐབས་ཐུན་མོང་ལ་བརྟེན་ནས།། མཐར་ཐུག
105b3 མཆོག་ལ་ཡང་དག་རེག། ཤུགས་ཀྱིས་ཡང་དག་གང་ཡིན་ཡང་།། ཐོགས་པ་མེད་པར་ཟད་ཐལ་ལོ།། སྒོ་དང་སྐུར་པ་དང་བྲལ་ཞིང་།། ངོ་མཚར་བསྟོད་པའི་གནས་སུ་འགྱུར།། མཚན་དང་དཔེ་བྱད་འབར་བ་ཡི།། སྐུ
105b4 ཡི་ཡོན་ཏན་ཐམས་ཅད་ཀྱང་།། གཡེལ་བ་མེད་པར་མྱུར་དུ་མྱོང་།། དེ་བཞིན་གསུང་དང་ཐུགས་མཆོག་གི། ཡོན་ཏན་མ་ལུས་འདིར་རྩོལ་བྱེད།། ཨེ་མ་འདི་ནི་བསམ་མཐའ་ཡས།། ལེགས་པ་སྤེལ་ནས་ཉེས་པར
105b5 སྒྲུབ།། བླ་མེད་ལ་སོགས་དོན་འབྲས་རྣམས།། རང་བབས་ལྷུན་གྱིས་གྲུབ་པའོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་ཉེ་བར་བསྒྲུབ་པའི་དགོས་པ་བསྟན་པའི་ལེའུ་སྟེ
105b6 བཅོ་ལྔ་པའོ།། སྤྱི།། ། ཡང་འདུས་སེམས་པའི་འཁོར་རྣམས་ཉོན།། ལྷ་བསྒྲུབ་ཡོན་ཏན་འབྲས་བུ་ནི།། གང་གིས་བརྩོན་པའི་སྐྱེས་བུ་དེ།། ལུས་ཉིད་ལྷ་རུ་གྱུར་ནས་ཀྱང་།། ཐ་མལ་ལ་སོགས་མངོན་ཞེན
iiif viewer powered by OpenSeadragon
