| e-texts navigator |
| Wylie |
105a1 གྱི་རི་བོ་ལས། ཡེ་ཤེས་ལྷ་ཇི་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་བཅུ་བཞི་པའོ།། སྠི།། ། རང་བྱུང་སྤྲུལ་པའི་འཁོར་རྣམས་ཉོན།། ཡེ་ཤེས་ལྷ་བསྒྲུབ་དགོས་པ་ནི།། ལུས་སེམས་དྲི་མར
105a2 བཅས་པ་རྣམས།། དྲི་མེད་རྣམ་པར་དག་བྱས་ནས།། སྣང་སྲིད་རོ་མཉམ་ངང་ཉིད་དུ།། བདེ་ཆེན་ཡེ་ཤེས་དག་པ་ཡི།། སྣང་ཞིང་སྲིད་པའི་དཀྱིལ་འཁོར་རྣམས།། ཚོམ་བུ་གཅིག་ཏུ་གྲོལ་བ་དང་།། རང་རང་རྒྱ་མཚོའི
105a3 གནས་ལས་སྒྲོལ།། དུཿཁ་རྣམས་ལས་རྣམ་པར་ཐར།། མཆོག་དོན་འབྲས་བུ་བརྙེས་བྱས་ནས།། སྐུ་གསུམ་ཉིད་དུ་ཡང་དག་ངེས།། ཐུན་མོང་དངོས་གྲུབ་སྣ་ཚོགས་ལའང་།། ཞི་བས་ཞི་བར་བྱེད་པ་དང་།། དེ་བཞིན
105a4 རྒྱས་པས་རྒྱས་པར་བྱེད།། དབང་གི་དབང་ཡུལ་དབང་དུ་སྟེ།། དྲག་པོས་དགྲ་བགེགས་རྣམས་གསོད་འགྱུར།། དེ་ལས་གཞན་ཡང་ལས་རྣམས་ཀུན།། འབྲས་བུ་མི་ཟད་ཤུགས་ལས་འབྱུང་།། དེ་ལས་འོག་ཏུ་རྣམ
105a5 པར་རྒྱལ།། ས་འོག་སྤྱོད་དང་དེ་བཞིན་དུ།། འོག་ནས་སྟེང་དུ་རྣམ་པར་སྤྱོད།། མཁའ་སྤྱོད་གདོན་མི་ཟ་བར་འགྲུབ།། རང་ལ་གཞན་དང་གཞན་ལ་རང་།། གཉིས་ཀ་ལྷན་ཅིག་ཉིད་འགྲུབ་བྱེད།། རིགས་དང་རིག་པ
105a6 འཛིན་པ་དང་།། གནས་དང་གནས་བཟང་ལ་སོགས་ཏེ།། སྐད་ཅིག་མ་བགྲོད་ལྷུན་གྱིས་གྲུབ།། ཅི་འདོད་ས་ལ་ཚིག་ཆོད་དུ།། ངེས་པའི་གདེང་དང་བཅས་པས་བགྲོད།། རྩ་བ་དང་ནི་ཡན་ལག་གི།། ཉིང་ལག་ལས
iiif viewer powered by OpenSeadragon
