| e-texts navigator |
| Wylie |
104a1 སྡུད།། འཇོམས་པར་བྱེད་ཅིང་མོས་པར་བྱེད།། རྣམ་པར་རབ་ཏུ་གཟིར་བར་བྱེད།། རྒོལ་བ་ལོག་རྟོག་དྲུངས་ནས་འབྱིན།། ཉོན་མོངས་ཐ་རྒོད་གནས་ནས་བཟློག། སྐེམ་བྱེད་ལྕགས་ཀྱུ་ཆེན་པོ
104a2 ཡིས།། གནས་ངན་ངེས་པར་འདྲེན་པ་པོ།། ཧཱུཾ་མཛད་སྟོབས་ཆེན་ཨ་ལ་ལ།། ཞི་དང་ཁྲོ་དང་འཛུམ་པ་དང་།། ཡེ་ཤེས་ལྷ་དང་དེ་ཡི་འཁོར།། སྦྲུལ་དང་ཡང་སྦྲུལ་མཛད་པ་ཡི།། རྣམ་ཐར་མཐའ་ཡས་བརྗོད་ལས
104a3 འདས།། ཐུགས་ཆེན་ནམ་མཁའི་དཀྱིལ་འཁོར་བཞིན།། གསུང་འོད་འབར་བ་ཚངས་པའི་སྒྲ།། ལྷུན་པོ་སྐུ་ཆེན་གཟི་བརྗིད་འབར།། ཡེ་ཤེས་སྣང་བ་ལམ་མེར་གསལ།། བཀོད་པ་དུ་མར་ལྡན་པ་སྟེ།། ཨ་ལ་ལ
104a4 མཆོག་དགྱེས་པར་མཛོད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་རྟོགས་པ་བརྗོད་པའི་ལེའུ་སྟེ་བཅུ་གསུམ་པའོ།། སྤྱི།། སེམས་དཔའ་རང་བྱུང་འཁོར་རྣམས
104a5 ཉོན།། ཡེ་ཤེས་ལྷ་ཡི་བསྒྲུབ་ཚུལ་ནི།། རྣམ་པ་གཅིག་ཏུ་མ་ངེས་ཏེ།། རྫས་དང་དཀྱིལ་འཁོར་ལ་བརྟེན་ནས།། དམིགས་བཅས་ཉིད་དུ་བསྒྲུབ་པ་དང་།། གཡེང་བ་མེད་པའི་ཏིང་འཛིན་གྱིས།། འདུན་པ་བཟུང་སྟེ།
104a6 བསྒྲུབ་པ་དང་།། སྙིང་པོ་སྲོག་གི་གནད་ནས་བསྐུལ།། དམ་ཚིག་དབང་གིས་བསྒྲུབ་པ་དང་།། དད་ཅིང་གདུང་བའི་ངང་ཤུགས་ཀྱིས།། རང་དབང་མེད་པར་བསྒྲུབ་པ་དང་།། གཡེལ་བ་མེད་པའི་བརྩོན་འགྲུས
iiif viewer powered by OpenSeadragon
