| e-texts navigator |
| Wylie |
103b1 གཏུབ།། ས་འོག་གནས་ནས་སྟེང་གི་ཕྱོགས།། གཟིར་ཞིང་ཟིལ་གྱིས་གནོན་བྱེད་པའི།། རབ་ཏུ་འཁྲུག་པའི་ཡེ་ཤེས་ཀྱི།། གནམ་ལྕགས་རྡོ་རྗེ་འབར་བ་ལས།། སྤྲུལ་པ་མ་རུངས་རྣམ་པར་འཇོམས།། བསྐྲད
103b2 ཅིང་བརྡེག་པའི་རྣམ་པ་ཅན།། རིམ་པ་བདུན་ཡང་རབ་ཏུ་གཡོ།། སྟེང་གི་ཕྱོགས་རྣམས་འདར་ཞིང་འཕྲིགས།། བླ་འོག་ཚ་བའི་དཔལ་གྱིས་བསྲེག། རྒྱུན་བབས་རྦ་ཀློང་འཁྲུགས་འདྲ་བའི།། ཆོ་འཕྲུལ་རབ་ཏུ་བསྟན
103b3 ནས་ཀྱང་།། མ་ལུས་གཡོ་བར་བྱེད་པའོ།། ནམ་མཁའ་ཁེངས་པའི་རྣམ་འགྱུར་ཅན།། གཟི་བརྗིད་དཔལ་འབར་འཆང་བར་བྱེད།། ཧ་ཧ་དྲག་ཏུ་རྒོད་པའི་གད་རྒྱངས་ཀྱིས།། གཡོ་བར་བྱེད་པའི་རྫུ་འཕྲུལ
103b4 ཅན།། འབྲུག་སྟོང་ལྡིར་འདྲའི་ངར་བྱུང་ནས།། ཧེ་རུ་ཀ་དཔལ་དབྱངས་ཆེན་སྒྲོགས།། ངན་བྱེད་ཕྲ་མོ་རྣམ་པར་ཉམས།། ས་འོག་ས་སྟེང་ས་བླ་ཡི།། རྒྱུ་བྱེད་ཡི་དྭགས་མང་སྐྲག་བྱེད།། ངན་སོང་གནས་གསུམ་དྲུངས
103b5 ནས་འབྱིན།། རྣམ་རོལ་དཔའ་ཤུགས་རྩལ་འཆང་བའི། ཁ་ནས་འོད་འབར་རྒྱ་མཚོ་སྐེམ།། དྲང་སྲོང་དམོད་པའི་རིགས་སྔགས་ཀྱང་།། སྐད་ཅིག་སེ་གོལ་གཏོགས་པས་བཟློག། རིམ་པ་བདུན་གྱི་ཁྲོ་བོ་ཡང་།། བསྙིལ
103b6 བར་བྱེད་པའི་ང་རོ་ཅན།། ཧཱུཾ་ཧཱུཾ་བརྣག་ཅིང་གཟིར་བའི་རྣམ་པ་ཡིས།། འཕགས་པའི་ཚོགས་ཀྱང་གཡོ་བར་བྱེད།། དྲན་པ་རབ་ཏུ་འཕྲོ་བ་ཡི།། ཆོ་འཕྲུལ་དུ་མས་གང་ཁྱབ་པ།། ཉིད་ཀྱི་དཔལ་བེའུའི་དབྱིངས་སུ
iiif viewer powered by OpenSeadragon
