| e-texts navigator |
| Wylie |
102b1 སྤྱི།། ། གཟུགས་ཀྱི་རྡོ་རྗེ་ལ་སོགས་པའི།། སྤྲུལ་པའི་འཁོར་རྣམས་གུས་པས་ཉོན།། ཡེ་ཤེས་ལྷ་ཡི་རྟོགས་བརྗོད་ནི།། སྤྲོས་ན་བརྗོད་ཀྱིས་མི་ལང་ཡང་།། ཡང་དག་དོན་རྟོགས་འདི་ལྟར་བརྗོད།། ཨེ་མ་ངོ་མཚར
102b2 ཆེན་པོའི་དཔལ།། ཡེ་ཤེས་ཁྲོ་བོ་བཞད་པ་ལས།། ཞི་བར་སྣང་ཞིང་སྲིད་པ་འདུལ།། མཉམ་པར་གནས་དང་མི་གནས་མེད།། དཀར་ལ་དངས་དང་སེར་གསལ་བ།། དམར་ལས་ལྡང་བའི་རང་བཞིན་སོགས། ཁ
102b3 དོག་སྣ་ཚོགས་འབར་བའི་འོད།། སྐུ་ཡི་ཆ་ལས་འོད་ཀྱི་སྐུ།། སྐུ་དང་སྐུ་ཡི་རྣམ་པ་ཅན།། ཆགས་པ་མི་མང་བྲལ་མི་མངའ།། གསལ་དང་འགྲིབ་པ་ཡོང་མི་མངའ།། དེ་བཞིན་སྐྱེ་དང་འབྲི་མེད་པ།། ཡེ་ཤེས་ལུས་ཅན
102b4 དེ་བཞིན་གཤེགས།། རྡོ་རྗེའི་ཡེ་ཤེས་རྡོ་རྗེ་འཆང་།། གཟུགས་ཀྱི་རྡོ་རྗེ་སྲ་མཁྲེགས་པ།། འཇོམས་པར་བྱེད་ཅིང་འཇིག་པར་བྱེད།། སྲིད་པའི་གནས་རྣམས་སྐེམ་བྱེད་པའི།། ཉི་མ་འབུམ་གྱི་གཟི་བརྗིད་ཅན།། བསྐལ
102b5 པ་གྲངས་འདས་མུན་སེལ་བའི།། འོད་ཀྱི་སྙིང་པོ་ཕྱོགས་ཀུན་བརྡལ།། བསྙེལ་བ་མེད་ཅིང་དུབ་པ་མེད།། རྣམ་པར་སྲ་ཞིང་མཁྲེགས་པ་ཅན།། འཇམ་མཉེན་འོད་ཀྱི་གོང་བུར་གནས།། དཀར་སེར་དམར་ལྡང་རབ་ཏུ
102b6 མཁྲེགས།། རྒྱང་དང་དྲུང་ལས་ཁྱད་པར་བྲལ།། གཟི་བརྗིད་དཔག་ཏུ་མེད་བཞིན་དུ།། བལྟ་བར་བཟོད་ཅིང་གང་གིས་མཐོང་།། བཞིན་གྱི་པདྨའི་དཀྱིལ་འཁོར་བྱེ།། རྣམ་རོལ་བདེ་བའི་དཔལ་ལ་སྤྱོད།། ཧ་ཧ་དགྱེས
iiif viewer powered by OpenSeadragon
