| e-texts navigator |
| Wylie |
102a1 ནི།། སྣང་སྲིད་ཕྱི་ནང་སྣོད་བཅུད་ཀྱི།། གང་སྟོང་སྐྱེ་འབྲི་མང་པོ་ལས།། ཆགས་འཇིག་གནས་དང་སྟོངས་ས་ཡི།། སྲིད་པའི་རྩེ་ནས་ན་རག་པར།། བྱེད་པ་དུ་མར་བཅས་པ་སྟེ།། ལུས་དང་ལུས་ཀྱི་རྣམ
102a2 འགྱུར་དང་།། ངག་དང་ངག་གི་རྣམ་འགྱུར་དང་།། སེམས་དང་སེམས་ཀྱི་རྣམ་འགྱུར་དང་།། དེ་ལས་སྤྲོས་པའི་བདེ་དང་སྡུག། རང་བབས་བཏང་སྙོམས་བཅས་པ་སྟེ།། རྣམ་པ་དུ་མར་སྣང་བ་ཀུན།། སྤྲུལ་པ་དེ་ཡི
102a3 ཡང་སྤྲུལ་ཉིད།། བདེ་གཤེགས་སྙིང་པོའི་ཆོ་འཕྲུལ་ཏེ།། རང་རང་སོ་སོས་བྱས་མིན་པར།། འདོད་འཚམས་ཉིད་ལས་རབ་སྦྱར་ནས།། སྐྱེ་དང་འགྲོ་འོང་ལྷ་དང་ལྷ།། ལྷ་རྣམས་ཉིད་ཀྱི་རྣམ་པར་འཕྲུལ།། དེ་བཞིན
102a4 བྱེད་དང་བྱེད་པའོ།། སྣ་ཚོགས་ལས་ཀྱི་བྱེ་བྲག་ཀྱང་།། དེ་ཡི་ཡང་སྦྲུལ་བྱེད་པ་ལས།། བྱེད་པ་ཆུ་ལས་ཆུ་རྡོལ་ལམ།། ནམ་མཁའི་ཆོ་འཕྲུལ་ཇི་བཞིན་ནོ།། སྲིད་པ་འདི་དག་སྲིན་བྱ་ཡི། ཁ་ཆུ་རང་ལོག་ཟད་མཐའ
102a5 མེད།། དཔེར་ན་བུད་མེད་སྦྲུམ་མ་ལ།། བུ་དང་བུ་མོ་དེ་ལ་ཡང་།། རིམ་བཞིན་འཕེལ་བའི་འཁྲུལ་འཁོར་ལྟར།། སྣང་སྲིད་འདི་དག་ཡང་སྤྲུལ་ཏེ།། སྤྲུལ་པའི་སྤྲུལ་པ་ཡིན་པར་བྱ།། ཡང་སྦྲུལ་དེ་སྦྲུལ་འཁོར་ལོ
102a6 བསྐོར།། དེས་ན་སྣང་སྲིད་རྒྱལ་བ་ཡི།། དཀྱིལ་འཁོར་ཉིད་དུ་ཤེས་པར་བྱ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷ་ཡི་ཡང་སྦྲུལ་བསྟན་པའི་ལེའུ་སྟེ་བཅུ་གཉིས་པའོ།། །
iiif viewer powered by OpenSeadragon
