| e-texts navigator |
| Wylie |
101b1 དང་།། སྡོང་པོ་གཅིག་ལས་ཡལ་ག་འབུམ།། སོ་སོར་དགྱེས་པ་ལྟ་བུར་སྤྲུལ།། དེ་ཡང་གདུལ་བྱའི་སྣང་ཚུལ་དེ།། ཟླ་བ་ལ་ནི་ཆུ་སྣོད་བཞིན།། གཅིག་ལས་མང་པོར་སྦྲུལ་སྣང་ངོ་།། རྣམ་པར་འགྱུར་བའི་སྤྲུལ་པ
101b2 ནི།། ཐུགས་རྗེ་ཞལ་ཕྱག་ཅན་གྱི་ལྷ།། སྤྲུལ་ནས་འཁོར་ལོ་རྡོ་རྗེ་དང་།། རིན་ཆེན་པདྨ་རྒྱ་གྲམ་དང་།། རལ་གྲི་ཁ་ཊྭཱཾ་གྲི་གུག་དང་།། ཕུར་པ་དག་ཏུ་སྤྲུལ་པ་དང་།། ས་བོན་ཧཱུཾ་དང་ཧྲཱིཿལ་སོགས།། ཡི་གེའི་རྣམ་པར
101b3 སྤྲུལ་པ་དང་།། དེ་བཞིན་ཕྱག་མཚན་ཡིག་འབྲུ་ལས།། ཐུགས་རྗེ་ཞལ་ཕྱག་འཛིན་པ་ཡི།། སྐུ་རུ་ངེས་པར་སྟོན་པ་དང་།། དེ་བཞིན་མེ་ཆུ་ལ་སོགས་པའི།། འབྱུང་བའི་རྣམ་པར་སྤྲུལ་པ་དང་།། རྒྱལ་བློན་བཙུན་མོའི
101b4 རྣམ་པའམ།། བྲན་ལ་སོགས་པ་སྤྲུལ་པ་སྟེ།། གདུལ་བྱ་གང་དང་གང་འདུལ་བ།། དེ་དང་དེ་ལ་དེར་སྤྲུལ་ནས།། འགྲོ་དོན་སྤྱོད་པའི་རྣམ་འཕྲུལ་ཅན།། སངས་རྒྱས་མཛད་པ་བསམ་མི་ཁྱབ།། སྤྲུལ་པ་ལ་ཡང་སྤྲུལ་པ
101b5 དང་།། དེར་སྦྲུལ་ལ་སོགས་བརྗོད་མཐའ་ཡས།། རྣམ་པར་འགྱུར་བའི་སྤྲུལ་པ་རྣམས།། དགོངས་པའི་ཀློང་ནས་རང་བྱུང་བའི།། གཅིག་དང་དུ་མའི་གྲངས་མཐའ་ཟད།། རྣམ་པར་མ་ངེས་ངེས་མེད་དོ།། བླ་མ་ཡི་དམ
101b6 མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས།། ཡེ་ཤེས་ལྷ་ཡི་གཙོ་འཁོར་གྱི་སྤྲུལ་པ་བསྟན་པའི་ལེའུ་སྟེ་གཅིག་པའོ།། སྠི།། ། ཐུགས་རྡོལ་སྤྲུལ་པའི་འཁོར་རྣམས་ཉོན།། སྤྲུལ་པ་དེ་ལས་ཡང་སྤྲུལ
iiif viewer powered by OpenSeadragon
