| e-texts navigator |
| Wylie |
101a1 ཡིན།། རིགས་ལ་རིག་བྱེད་མང་པོ་དང་།། དབུས་ལ་སོགས་པར་སྣང་བཞིན་དུ།། ཡོད་པ་མ་ཡིན་མེད་མ་ཡིན།། ཡོད་མེད་ལས་འདས་སྒྱུ་མའི་སྐུ།། སྣང་ལ་རང་བཞིན་མ་གྲུབ་པར།། ཐུགས་རྗེའི་ཞལ
101a2 ཕྱག་རྣམ་པར་གསལ།། ཆེ་ལ་རགས་དང་ཕྲ་ཞིང་ཞི་བ།། རྒྱན་དང་ཆ་ལུགས་རྫོགས་པའོ།། ལོག་པར་སྦྲུལ་ནི་ཞི་བ་ལས། ཁྲོ་བོ་གཏུམ་པོའི་ཚུལ་དུ་བྱུང་།། སྐུ་མདོག་ལ་སོགས་དཀར་པོ་དང་།། ནག་ལ་རྔམས་པར
101a3 སྟོན་པ་དང་།། མ་རུངས་དུར་ཁྲོད་ཆས་ཆེན་རྣམས།། དར་དང་རིན་ཆེན་རྒྱན་དང་བཅས། ཁྲོ་ཞིང་གཏུམ་པར་གནས་པ་ལ།། ཞི་འཛུམ་ལྷམ་མེ་ལྷན་ནེར་སྟོན།། དེ་ལྟར་ཞི་ལས་ཁྲོ་བོ་དང་། ཁྲོ་བོ་ལས་ནི་ཞི་བ
101a4 སྟེ།། ཡབ་ཉིད་ཡུམ་དུ་གྱུར་པ་དང་།། དེ་བཞིན་ཡུམ་ཉིད་ཡབ་ཏུ་འགྱུར།། འཁོར་རྣམས་གནས་འགྱུར་གཙོ་བོའི་ཚུལ།། གཙོ་བོ་གནས་འགྱུར་འཁོར་དུ་སྣང་།། དེ་སོགས་རིམ་པ་བསམ་མི་ཁྱབ།། ཐུགས་རྗེ་ངང་གིས
101a5 སྤྲུལ་པ་ནི།། གང་ཡིན་གཙོ་བོ་གཡོ་མེད་ཀྱི།། སྐུ་གསུང་ཐུགས་ལས་འོད་ཟེར་གྱི།། དཀར་དམར་མཐིང་གའི་རྣམ་པ་ཅན།། དངོས་དང་དངོས་མིན་འདྲ་བ་ཡི།། སྤྲུལ་པ་དཔག་མེད་བཀྱེས་ནས་ནི།། སྣང་སྲིད་འཇིག
101a6 རྟེན་ཐམས་ཅད་གང་།། སོ་སོར་ཕྲིན་ལས་སྣ་ཚོགས་བྱེད།། ཡང་ནི་སོ་སོའི་གནས་སུ་ཐིམ།། དེ་བཞིན་གཅིག་ལས་གཅིག་སྤྲུལ་ཞིང་།། མར་མེ་གཅིག་ལས་གཅིག་འཕེལ་བས།། ཐམས་ཅད་མར་མེས་གང་བ
iiif viewer powered by OpenSeadragon
