| e-texts navigator |
| Wylie |
100b1 ལ་ཉེ་བར་གནས།། རྒྱུག་དང་འཕུར་དང་འཇོལ་བ་དང་།། ལག་གིས་འགྲོ་དང་ལྟོ་འགྲོའི་ཚུལ།། སྐད་ཅིག་ཉིད་ལ་སྲིད་པ་གསུམ།། ཡོངས་སུ་ཁྱབ་པའི་བྱ་བ་བྱེད།། དེ་བཞིན་རེ་རེ་ལ་ཡང་འཁོར།། གྲངས་དང་སྙེད
100b2 ཀྱི་བཀའ་ཉན་པ།། སྒོ་མཚམས་ལ་སོགས་རེ་རེ་ནི།། བརྡ་ཙམ་དུ་ནི་སྣང་བ་དང་།། དེ་ཕྱིར་མིང་དང་འཁོར་གྱི་གྲངས།། དེ་ཡི་བྱེད་པ་ལས་དང་བཅས།། དེ་ལ་སྤྲོས་ཤིང་དེ་ལས་སྡུད།། དེ་ཡི་རྣམ་གྲངས་ཤེས་པར
100b3 བྱ།། མདོར་ན་ཡེ་ཤེས་ལྷ་ཡི་འཁོར།། འཇིག་རྟེན་པ་དང་འཇིག་རྟེན་འདས།། སྦྲུལ་དང་ཡང་སྤྲུལ་བསམ་མི་ཁྱབ།། རང་རང་བློ་ཡི་སྤྱོད་ཡུལ་དུ།། གང་འཚམས་པར་ནི་ཤེས་པར་བྱའོ།། བླ་མ་ཡི་དམ་མཁའ
100b4 འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་འཁོར་གྱི་རྣམ་གྲངས་བསྟན་པའི་ལེའུ་སྟེ་བཅུ་པའོ།། སྤྱི།། ། རང་བྱུང་སྤྲུལ་པའི་འཁོར་རྣམས་ཉོན།། དེ་ལྟར་ལྷ་ཚོགས་འཁོར་བཅས
100b5 ཀྱི།། སྤྲུལ་པ་ལ་ནི་རྣམ་པ་ལྔ།། དངོས་སུ་སྦྲུལ་དང་བརྫུས་ཏེ་སྦྲུལ།། ལོག་པར་སྦྲུལ་དང་ངང་གིས་སྤྲུལ།། རྣམ་པར་འགྱུར་བའི་སྤྲུལ་པའོ།། དངོས་སུ་སྤྲུལ་པ་དངོས་འདྲ་བའི།། གཅིག་ལས་བརྒྱ་སྟོང་ཁྲི་འབུམ
100b6 སོགས།། མཚན་དང་བཅས་པ་དཔག་མེད་པ།། རྒྱན་དང་རོལ་པའི་རྣམ་འགྱུར་བཅས།། རྣམ་པ་གཅིག་ལ་ཀུན་ཏུ་སྣང་།། གདུལ་བྱ་རེ་རེའི་སྣང་ཚུལ་དུ།། ཚོམ་བུ་ཚོམ་བུ་ཚུལ་དུ་སྣང་།། བརྫས་ཏེ་སྦྲུལ་ནི་དངོས་མ
iiif viewer powered by OpenSeadragon
