| e-texts navigator |
| Wylie |
95b1 རབ་བསྡུས་པ། ཚད་མེད་སྙིང་རྗེ་སྐྱེད་པ་དང་།། བྱང་ཆུབ་སེམས་དཔའ་དག་ལ་ནི།། སྔོན་དུ་འགྲོ་བའི་ལས་མཆོག་སྟེ།། སྒྲུབ་པ་པོས་ནི་ནན་ཏན་བྱ།། ཁྲག་འཐུང་ཐུགས་སུ་གནས་པ་ནི།། ཡེ་ཤེས
95b2 གཙོ་མོ་མཆོག་ཉིད་དེ།། གསུམ་པ་ལས་ནི་འདས་པའི་ཕྱིར།། རྩེ་མོ་མེད་པའི་ལས་སུ་བསྟན།། དེ་ནི་གཟུགས་དང་བྱིན་རླབས་དང་།། བཟླས་བརྗོད་དང་ནི་ཕྲིན་ལས་དང་།། དུས་དང་གནས་དང
95b3 བདག་ཉིད་དག། ཕུན་སུམ་ཚོགས་པ་བདུན་པོ་སྟེ།། བཏབ་ན་ཅི་འདོད་སྦྱིན་ནོ་ཞེས།། དམ་ཚིག་བདག་པོས་རབ་ཏུ་གསུངས།། འདས་ན་ལྷ་ཡང་བརླགས་པའི་ཕྱིར།། རང་གི་བཀའ་ལས་རང་མི
95b4 འདའ།། གཟུགས་ནི་ཐུགས་ཀྱི་ཕྱག་རྒྱ་དབྱིངས་ལ་སྟེ།། ལྕགས་དང་ལྕགས་ལྔ་སེང་ལྡེང་ལ་སོགས་པ་ཚེར་མ་ཅན་གྱི་ཤིང་ལས་སོར་བརྒྱད་དམ་བཅུ་གཉིས་པར་བྱས་པ་མགོ་མཇུག་མ་ནོར་བར་ཤིང
95b5 རྩ་བ་ཕྱོགས་སུ་མགོ་བྱས་ལ། སོར་བརྒྱད་ལ་སོར་གཅིག་ལ་རྒྱ་མདུད། རྐེད་པར་སོར་གཅིག་ལ་རྒྱ་མདུད་སྟོད་ཟུར་བརྒྱད། སྨད་ཟུར་གསུམ་དུ་བྱས་ལ། རི་རབ་ལྟར་བརྗིད་པ་འདུག་པ་ནི་གཟུགས
95b6 སོ།། བྱིན་རླབས་ནི་ཐོག་མ་ཉིད་སྐུ་གསུམ་དུ་བྱིན་གྱིས་བརླབ་པར་བྱ་སྟེ། དེའི་འོག་ཏུ་རྒྱ་མདུད་གཞལ་མེད་ཁང་དུ་དམིགས་ཏེ། ཕྱོགས་བཞི་དབུས་དང་ལྔར། ཧཱུཾ་བསྒྲིལ་མ་ལྔ་བཞག་སྟེ། དབུས་སུ
iiif viewer powered by OpenSeadragon
